O alcalde, en Resolución do día 5 de xullo de 2013, acorda:

Aprobación inicial da modificación do estudo de detalle do ámbito dotacional remitido a ordenación especial OE-L1, A Laracha.

Primeiro. Aprobar inicialmente a modificación do estudo de detalle do ámbito dotacional remitido a ordenación especial OE-L1, A Laracha, na rúa Río Anllóns-A Laracha-Torás, tramitado de oficio polo concello, segundo o proxecto redactado polo arquitecto Ángel Luis Monteoliva Díaz.

Segundo. Someter o expediente a información pública por un prazo mínimo de vinte días mediante anuncio que se publicará no Diario Oficial de Galicia e nun dos xornais de maior circulación da provincia, de acordo co disposto no artigo 86.2 da Lei 9/2002, do 30 de decembro, de ordenación urbanística e protección do medio rural de Galicia.

Terceiro. Notificarlles persoalmente aos propietarios e demais interesados directamente afectados polo expediente para que poidan examinalo e formular as alegacións que procedan.

De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, por medio deste anuncio notifícaselles o acordo a todos os propietarios que sexan descoñecidos, dos cales se ignore o lugar de notificación ou ben, intentada esta, non se poida practicar.

Lugar de exposición do expediente: secretaría (1º andar casa do concello).

Horario: das 10.00 ás 14.00 horas.

A Laracha, 5 de xullo de 2013

José Manuel López Varela
Alcalde