Sentenza

En Santiago de Compostela, 10 de xuño de 2013.

Susana Villarino Moure, maxistrada-xuíza do Xulgado do Social número 3 de Santiago de Compostela, vistos os presentes autos 777/2012, promovidos ante este xulgado do social sobre despedimento, por instancia de Ana Isabel Deán Sieira contra Servanza, S.L., que non comparece, e Fogasa, que non comparece, pronunciou a seguinte sentenza.

Resolvo

Que debo estimar e estimo a demanda sobre despedimento formulada por Ana Isabel Deán Sieira fronte a Servanza, S.L. e, en consecuencia, declaro a improcedencia do despedimento de que foi obxecto con efectos do 5 de setembro de 2012, con condena da empresa indicada a que readmita inmediatamente a traballadora nas mesmas condicións que rexían antes de se producir o despedimento, con aboamento dos salarios deixados de percibir a razón de 33,76 euros diarios, ou ben, á elección do empresario, á extinción da relación laboral con aboamento dunha indemnización de 3.816,82 euros.

Esta opción deberase exercer en cinco días a partir da notificación desta sentenza, mediante escrito ou comparecencia ante este xulgado. Transcorrido ese termo sen o empresario optar, entenderase que procede a readmisión.

Considérase que a parte demandante desiste da reclamación de cantidade relativa ás cantidades debidas, de ser o caso, en concepto de liquidación.

Non procede condenar nesta instancia o Fogasa, sen prexuízo da súa responsabilidade, de conformidade co artigo 33 do Estatuto dos traballadores.

Notifíquese esta resolución ás partes e fágaselles saber que contra ela poden interpor recurso de suplicación no prazo de cinco días desde a súa notificación.

Santiago de Compostela, 10 de xuño de 2013