De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común (BOE 285, do 27 de novembro), modificada pola Lei 4/1999, do 13 de xaneiro (BOE 12, do 14 de xaneiro), notifícaselle ao interesado que a seguir se relaciona a resolución da xefatura da Área de Turismo de Lugo ditada no expediente sancionador en materia de turismo número LU-23/2012, incoado ao titular do establecemento de aloxamento turístico denominado Albergue O Cándido, situado no lugar de San Romaon da Retorta do concello de Guntín (Lugo), xa que, intentada polos medios habituais, non se puido practicar.
Esta resolución non esgota a vía administrativa e contra ela os interesados poderán interpoñer recurso de alzada, perante a directora da Axencia Turismo de Galicia, no prazo dun (1) mes desde o día seguinte ao da súa publicación, sen prexuízo de que os interesados poidan interpoñer calquera outro que xulguen oportuno.
De non ter presentado recurso no dito prazo, a sanción devirá firme, e deberán aboar o importe da multa nos seguintes prazos: a) publicación entre os días 1 e 15 de cada mes, desde a data da publicación ata o día 5 do mes seguinte ou inmediatamente hábil posterior; b) publicación entre os días 16 e último de cada mes, desde a data da publicación ata o día 20 do mes seguinte ou inmediatamente hábil posterior.
O aboamento realizarase por transferencia bancaria mediante os impresos formalizados que lles serán facilitados nas dependencias deste servizo. De non efectuarse o ingreso, procederase á exacción da débeda pola vía de constrinximento.
Lugo, 11 de xuño de 2013
Paloma Vázquez Fernández
Xefa da Área de Turismo de Lugo
ANEXO
Expediente: LU-23/2012
Denunciada: Ana Isabel Rodríguez Redondo
Establecemento: Albergue O Cándido
Enderezo: San Romaon da Retorta. Localidade: Guntín.
Feitos denunciados: non dispoñer dos documentos exixidos para a actividade e non exhibir a lista de prezos.
Precepto infrinxido: artigo 35, alíneas g e f, da Lei 7/2011.
Tipificación da infracción: artigo 109.2.a) e 109.2.b) da Lei 7/2011.
Resolución: 4 de abril de 2013.
Sanción: seiscentos euros (600,00 €).
