En cumprimento do disposto no artigo 13.5 do Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal, esta dirección xeral dispón que se publique no Diario Oficial de Galicia o acordo adoptado polo Consello da Xunta de Galicia na súa reunión do 2 de maio de 2013, cuxa parte dispositiva é o seguinte texto literal:

«1. Aprobar definitivamente o proxecto sectorial de incidencia supramunicipal denominado gasoduto de transporte básico Mariña Lucense (Ribadeo-Viveiro), promovido por Gas Natural Transporte SDG, S.L.

2. De conformidade co contido do Acordo do Consello da Xunta de Galicia do 14.4.2011, polo que se declara a incidencia supramunicipal do devandito proxecto sectorial, os planeamentos dos concellos de Ribadeo, Barreiros, Foz, Burela, Cervo, Xove e Viveiro (Lugo) quedan vinculados ás determinacións contidas no proxecto sectorial que se aproba».

Así mesmo, de conformidade co artigo 4 da Lei 10/1995, do 23 de novembro, de ordenación do territorio de Galicia, modificada pola disposición adicional 2ª da Lei 6/2007, do 11 de maio, de medidas urxentes en materia de ordenación do territorio e do litoral de Galicia, publícanse como anexo a esta resolución as disposicións normativas do devandito proxecto sectorial de incidencia supramunicipal.

Santiago de Compostela, 14 de maio de 2013

Ángel Bernardo Tahoces
Director xeral de Industria, Enerxía e Minas

ANEXO

Disposicións normativas do proxecto sectorial de incidencia supramunicipal denominado gasoduto de transporte básico Mariña Lucense (Ribadeo-Viveiro)

1. Clasificación urbanística do solo.

Co obxecto de evidenciar a adecuación do trazado do gasoduto de transporte básico Mariña Lucense (Ribadeo-Viveiro) ao planeamento urbanístico de cada un dos termos municipais afectados, relaciónase a seguir a clasificación urbanística do solo polo cal discorre o dito gasoduto.

Para isto diferenciáronse os distintos grupos de solo en función dos diferentes usos definidos nos planeamentos urbanísticos municipais.

• Solo urbano.

Está constituído por aqueles terreos que gozan das seguintes condicións, alternativas ou simultáneas:

a) Terreos con acceso para tráfico rodado, abastecemento de auga, evacuación de augas residuais e subministración de enerxía eléctrica, sempre que estes servizos teñan capacidade suficiente para soportar as necesidades derivadas do volume de edificación previsto para estes terreos.

b) Terreos con ordenación consolidada, que se considera cando o volume edificado sexa, polo menos, as dúas terceiras partes do volume total de edificación previsto para estes terreos.

• Solo urbanizable programado.

Está constituído por aqueles terreos expresamente clasificados como tales que se desenvolven no tempo a través de plans parciais de ordenación urbana.

• Solo urbanizable non programado.

Está constituído por aqueles terreos expresamente clasificados como tales que se desenvolven no tempo a través de programas de actuación urbanística (PAU).

• Solo rústico ou solo non urbanizable.

Está constituído por aqueles terreos que non son necesarios para usos urbanos e quedan excluídos do desenvolvemento urbano previsto no termo municipal correspondente.

• Solo non urbanizable protexido.

Está constituído por aqueles terreos que, polo seu alto valor de orde ecolóxica, paisaxística, agraria, hidráulica etc., son excluídos do desenvolvemento urbano previsto no termo municipal correspondente e deben ser obxecto de medidas tendentes a evitar a súa degradación, así como a rexenerar e potenciar as condicións de aproveitamento deles.

• Solo rústico de protección de infraestruturas.

Está constituído por aqueles terreos expresamente clasificados como tales, conformados con base en corredores de largo variable para que discorran a través deles as distintas infraestruturas viarias, eléctricas, de saneamento, gasistas etc., que servirán para dar servizo ás edificacións previstas no desenvolvemento urbanístico do termo municipal correspondente.

No seguinte cadro móstrase a relación detallada do tipo de solo polo cal discorre o trazado do gasoduto de transporte básico Mariña Lucense (Ribadeo-Viveiro), por termos municipais.

Termo municipal de Ribadeo.

Clasificación do solo	Lonxitude (m)	%
Solo urbano (SU)	0	0
Solo urbanizable programado (SUP)	0	0
Solo urbanizable non programado (SUNP)	0	0
Solo rústico ou non urbanizable (SNU)	14.930	100,00
Solo non urbanizable protexido (SNUP)	0	0
Solo rústico de protección de infraestruturas (SRPI)	0	0
Total	14.930	100

Termo municipal de Barreiros.

Clasificación do solo	Lonxitude (m)	%
Solo urbano (SU)	0	0
Solo urbanizable programado (SUP)	0	0
Solo urbanizable non programado (SUNP)	297	2,80
Solo rústico ou non urbanizable (SNU)	6.565	61,87
Solo non urbanizable protexido (SNUP)	3.748	35,33
Solo rústico de protección de infraestruturas (SRPI)	0	0
Total	10.610	100

Termino municipal de Foz.

Clasificación do solo	Lonxitude (m)	%
Solo urbano (SU)	353	1,94
Solo urbanizable programado (SUP)	0	0
Solo urbanizable non programado (SUNP)	1.112	6,12
Solo rústico ou non urbanizable (SNU)	16.524	90,87
Solo non urbanizable protexido (SNUP)	195	1,07
Solo rústico de protección de infraestruturas (SRPI)	0	0
Total	18.184	100

Termo municipal de Burela.

Clasificación do solo	Lonxitude (m)	%
Solo urbano (SU)	0	0
Solo urbanizable programado (SUP)	0	0
Solo urbanizable non programado (SUNP)	0	0
Solo rústico ou non urbanizable (SNU)	1.715	100
Solo non urbanizable protexido (SNUP)	0	0
Solo rústico de protección de infraestruturas (SRPI)	0	0
Total	1.715	100

Termo municipal de Cervo.

Clasificación do solo	Lonxitude (m)	%
Solo urbano (SU)	0	0
Solo urbanizable programado (SUP)	0	0
Solo urbanizable non programado (SUNP)	6.463	65,69
Solo rústico ou non urbanizable (SNU)	3.376	34,31
Solo non urbanizable protexido (SNUP)	0	0
Solo rústico de protección de infraestruturas (SRPI)	0	0
Total	9.839	100

Termo municipal de Xove.

Clasificación do solo	Lonxitude (m)	%
Solo urbano (SU)	0	0
Solo urbanizable programado (SUP)	0	0
Solo urbanizable non programado (SUNP)	866	10,10
Solo rústico ou non urbanizable (SNU)	0	0
Solo non urbanizable protexido (SNUP)	7.401	86,36
Solo rústico de protección de infraestruturas (SRPI)	303	3,54
Total	8.570	100

Termo municipal de Viveiro.

Clasificación do solo	Lonxitude (m)	%
Solo urbano (SU)	0	0
Solo urbanizable programado (SUP)	0	0
Solo urbanizable non programado (SUNP)	0	0
Solo rústico ou non urbanizable (SNU)	1.197	100
Solo non urbanizable protexido (SNUP)	0	0
Solo rústico de protección de infraestruturas (SRPI)	0	0
Total	1.197	100

As porcentaxes de solo afectado para cada un dos tipos existentes ao longo do trazado son as seguintes:

Clasificación do solo	Lonxitude (m)	%
Solo urbano (SU)	542	0,83
Solo urbanizable programado (SUP)	0	0
Solo urbanizable non programado (SUNP)	8.738	13,43
Solo rústico ou non urbanizable (SNU)	44.118	67,83
Solo non urbanizable protexido (SNUP)	11.344	17,44
Solo rústico de protección de infraestruturas (SRPI)	303	0,47
Total	65.045	100

Indícase a seguir a afección sobre cada termo municipal de cada un dos tipos de solo, así como as lonxitudes afectadas expresadas en metros.

Termo municipal	Clasificación do solo
SU	SUP	SUNP	SNU	SNUP	SRPI	Total
Ribadeo	0	0	0	14.930	0	0	14.930
Barreiros	0	0	297	6.565	3.748	0	10.610
Foz	353	0	1.112	16.524	195	0	18.184
Burela	0	0	0	1.715	0	0	1.715
Cervo	0	0	6.463	3.376	0	0	9.839
Xove	0	0	866	0	7.401	303	8.570
Viveiro	0	0	0	1.197	0	0	1.197

2. Proposta de nova ordenación.

Para garantir unha adecuada inserción no territorio das instalacións que constitúen o presente proxecto sectorial, proponse a transformación urbanística da zona de afección do trazado do gasoduto de transporte básico Mariña Lucense (Ribadeo-Viveiro), que a seguir se describe, segundo se encontra definido no artigo 32.2.c) da Lei 9/2002, do 30 de decembro, de ordenación urbanística e protección do medio rural de Galicia.

En aplicación da citada lei, onde se describen as categorías de solo, a proposta de nova ordenación para a zona de afección definida polo trazado da condución (1,5 m a cada lado do eixo) consta dos puntos que se describen a seguir.

Manteñen a súa clasificación actual e, por tanto, non sofren variación ao respecto do definido nos planeamentos urbanísticos dos termos municipais afectados, os terreos clasificados como:

• Solo urbano (SU).

• Solo urbanizable non programado (SUNP).

• Solo urbanizable programado (SUP).

• Solo rústico de protección de infraestruturas (SRPI).

Deberán cambiar de clasificación, pasando a ser solo rústico de protección de infraestruturas, as zonas de afección do trazado que actualmente están definidas como:

• Solo rústico ou non urbanizable (SNU).

• Solo non urbanizable protexido (SNUP) agropecuario, forestal e leitos fluviais.

O réxime de solo rústico de protección de infraestruturas proposto superporase ao que lle toque por lei, sendo o réxime de usos o máis restritivo.

No seguinte cadro resúmese a nova ordenación proposta para a zona de afección.

Termo municipal de Ribadeo.

Lonxitude (m)	Clasificación actual do solo	Clasificación proposta do solo
14.930	Solo rústico ou non urbanizable (SNU)	Solo rústico de protección de infraestruturas (SRPI)

Termo municipal de Barreiros.

Lonxitude (m)	Clasificación actual do solo	Clasificación proposta do solo
6.565	Solo non Urbanizable (SNU)	Solo rústico de protección de infraestruturas (SRPI)
3.748	Solo non urbanizable protexido (SNUP)	Solo rústico de protección de infraestruturas (SRPI)

Termo municipal de Foz.

Lonxitude (m)	Clasificación actual do solo	Clasificación proposta do solo
16.524	Solo non urbanizable (SNU)	Solo rústico de protección de infraestruturas (SRPI)
195	Solo non urbanizable protexido (SNUP)	Solo rústico de protección de infraestruturas (SRPI)

Termo municipal de Burela.

Lonxitude (m)	Clasificación actual do solo	Clasificación proposta do solo
1.715	Solo non urbanizable (SNU)	Solo rústico de protección de infraestruturas (SRPI)

Termo municipal de Xove.

Lonxitude (m)	Clasificación actual do solo	Clasificación proposta do solo
7.401	Solo non urbanizable protexido (SNUP)	Solo rústico de protección de infraestruturas (SRPI)

Termo municipal de Cervo.

Lonxitude (m)	Clasificación actual do solo	Clasificación proposta do solo
3.376	Solo non urbanizable (SNU)	Solo rústico de protección de infraestruturas (SRPI)

Termo municipal de Viveiro.

Lonxitude (m)	Clasificación actual do solo	Clasificación proposta do solo
1.197	Solo non urbanizable (SNU)	Solo rústico de protección de infraestruturas (SRPI)

Clasificación do solo		Lonxitude (m)	%
Actual	Solo rústico ou non urbanizable (SNU)	44.118	67,83
	Solo non urbanizable protexido (SNUP)	11.344	17,44
Proposta	Solo rústico de protección de infraestruturas (SRPI)	55.462	85,27

2.1. Análise da lexislación sectorial. Compatibilidade co réxime urbanístico actual.

No artigo 10.e do Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal, exíxese unha análise da relación do contido do proxecto sectorial co planeamento urbanístico vixente, determinándose as posibles discrepancias e xustificando as medidas que impliquen unha necesaria modificación do dito planeamento.

No presente documento recolléronse pormenorizadamente as características dos actuais plans xerais de ordenación urbana ou normas subsidiarias de todos os termos municipais afectados; neles encóntrase definido, e así se rexistrou neste proxecto, o tipo de solo polo cal discorre o trazado do gasoduto de transporte básico Mariña Lucense (Ribadeo-Viveiro).

O gasoduto en proxecto pódese considerar unha infraestrutura de interese público en función de ser unha alternativa enerxética tanto doméstica como comercial, que respecta o ambiente cunha menor emisión de CO2 e con posibilidade de uso en procesos industriais como alternativa ou mellora de procesos. Por estes motivos formúlase unha proposta de cambio na definición do solo polo cal discorre o trazado, proposta recollida no punto anterior. Desta maneira elimínanse as discrepancias entre o tipo de solo e o uso que se ten que dar á zona afectada polo trazado, facéndoo compatible co gasoduto en proxecto.