Por Decreto da Alcaldía do 14 de xuño de 2013 aprobouse inicialmente o convenio urbanístico de monetarización do aproveitamento que corresponde ao Concello de Mesía polo desenvolvemento urbanístico do sector S-03 ARS-03 do PXOM do concello de Mesía, no lugar do Campo.

De conformidade co artigo 237 da Lei 9/2002, do 30 de decembro, de ordenación urbanística e protección do medio rural de Galicia, sométese o citado convenio a información pública polo prazo de vinte días, contados a partir do seguinte ao da publicación do último dos edictos que se inserirán no Diario Oficial de Galicia e no xornal La Voz de Galicia. Durante ese prazo os interesados poderán consultar o expediente nas oficinas municipais e presentar as alegacións que xulguen oportunas.

Mesía, 14 de xuño de 2013

Mariano Iglesias Castro
Alcalde