Inmaculada Marín Gómez, secretaria xudicial do Xulgado de Primeira Instancia número 5 de Vigo, mediante este anuncio no presente procedemento de more uxorio seguido por instancia de Yusmary Lucía Clavelo Llanes fronte a Nelson Cueto Chiu ditou sentenza, cuxo teor literal é o seguinte:
«Sentenza número 130.
En Vigo o vinte e dous de febreiro de dous mil trece.
María del Carmen Salvador Mateos, maxistrada-xuíza titular do Xulgado de Primeira Instancia número 5 de Vigo (Xulgado de Familia), viu os autos seguidos neste xulgado baixo o número 170/2012 sobre garda e custodia e alimentos respecto de filla menor de idade, por instancia de Yusmary Lucía Clavelo Llanes, representada pola procuradora dos tribunais Victoria Sóñora Álvarez e con asistencia letrada de María Jesús Rivas Pintos, contra Nelson Cueto Chiu, declarado en rebeldía procesual, e no que interveu o Ministerio Fiscal, sobre a base dos seguintes:
(Seguen antecedentes de feito e fundamentos de dereito)
Resolución na demanda interposta pola procuradora dos tribunais Sra. Sóñora Álvarez, en nome e representación de Yusmary Lucía Clavelo Llanes, como demandante, contra Nelson Cueto Chiu, declarado en situación de rebeldía procesual, e no cal interveu o Ministerio Fiscal, fago os seguintes pronunciamentos:
Primeiro. A garda e custodia da filla menor atribúese á Sra. Clavelo Llanes e a patria potestade será compartida entre ambos os proxenitores.
Segundo. O Sr. Cueto Chiu satisfará en concepto de alimentos a favor da súa filla a cantidade de 190 euros mensuais, que serán ingresados dentro dos cinco primeiros días de cada mes na conta corrente que para o efecto designe a nai, e que será actualizada anualmente conforme a variación do índice de prezos de consumo que indique o Instituto Nacional de Estatística ou organismo que o substitúa.
Terceiro. Ambos os proxenitores satisfarán por metade os gastos extraordinarios que xere a menor, entre os que se inclúen os médicos non cubertos pola Seguridade Social, e que non comprenderán os libros e material escolar, matrículas, uniformes, comedor, transporte nin actividades extraescolares.
Non se fai especial pronunciamento en canto ás custas.
Modo de impugnación: recurso de apelación no prazo de vinte días desde a notificación desta resolución, ante a Audiencia Provincial.
O devandito recurso carecerá de efectos suspensivos, sen que en ningún caso proceda actuar en sentido contrario ao resolto (artigo 456.2 LAC)».
E encontrándose o devandito demandado, Nelson Cueto Chiu, en paradoiro descoñecido, expídese o presente co fin de que lle sirva de notificación en forma.
Vigo, 28 de maio de 2013
A secretaria xudicial
