Susana Varela Amboage, secretaria do Xulgado do Social número 3 de Santiago de Compostela, fago saber que por resolución ditada no día da data no proceso seguido por instancia de Lorenzo Otero Guldrís contra Oyalia, S.L., Óscar Malde Pardo de Andrade, Amaya Dolores Malde Tellería, Natalia Malde Tellería, Manuel Malde López, C.B., integrada, pola súa vez, por Óscar Malde Pardo de Andrade, Myriam Tellería González e os herdeiros de Alfredo Malde Pardo, rexistrado co número 492/2012, se acordou citar a Manuel Malde López, C.B., a Óscar Malde Pardo de Andrade, na súa condición de persoa física e de integrante de Manuel Malde López, C.B., a comunidade hereditaria de Alfredo Malde Pardo e a Myriam Tellería González, esta última unicamente na súa condición de integrante de Manuel Malde López, C.B., todos eles en ignorado paradoiro, co fin de que comparezan na sala de vistas deste Xulgado do Social número 3 de Santiago de Compostela, situado na rúa Berlín, s/n, polígono das Fontiñas, 15707 Santiago de Compostela, o día 10 de xuño de 2013, ás 8.55 e 9.00 horas, para a celebración dos actos de conciliación e, se é o caso, xuízo. Poderán comparecer persoalmente ou mediante persoa legalmente apoderada e deberán acudir con todos os medios de proba de que se intente valer, coa advertencia de que é única convocatoria e de que os actos non se suspenderán por falta inxustificada de asistencia.

Fáiselle saber que ten ao seu dispor na oficina xudicial a cédula de citación, copia da demanda e decreto de admisión desta, e demais resolucións e documentos que constan no procedemento.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

En caso de que pretenda comparecer no acto de xuízo asistido de avogado ou representado tecnicamente por graduado social colexiado, ou representado por procurador, porá esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo co obxecto de que, unha vez trasladada esta intención ao demandante, poida este estar representado tecnicamente por graduado social colexiado, ou representado por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de se valer no acto de xuízo de avogado, procurador ou graduado social colexiado.

E para que lles sirva de citación a Manuel Malde López, C.B., a Óscar Malde Pardo de Andrade na súa condición de persoa física e integrante de Manuel Malde López, C.B., á comunidade hereditaria de Alfredo Malde Pardo e a Myriam Tellería González, esta última unicamente na súa condición de integrante de Manuel Malde López, C.B., expídese este edicto para a súa publicación no Diario Oficial de Galicia e colocación no taboleiro de anuncios.

Santiago de Compostela, 7 de maio de 2013

A secretaria xudicial