Rafael González Alió, secretario xudicial do Xulgado do Social número 1 de Lugo, fai saber que no procedemento 384/2012 deste xulgado do Social, seguido por instancia de Ramón Bohorque Montero contra Esabe Vigilancia, S.A., sobre reclamación de cantidade, se ditou sentenza cuxa resolución é a seguinte:
Que estimando a demanda presentada por Ramón Bohorque Montero, representado polo letrado Sr. Vila López, contra a empresa Esabe Vigilancia, S.A, que non compareceu malia estar citada en legal forma, debo condenar e condeno a expresada entidade demandada a lle aboar ao demandante a cantidade de catrocentos sesenta e cinco euros con catro céntimos (465,04 euros) máis o 10 % por mora.
Notifíquese esta resolución ás partes e fágaselles saber que contra ela non cabe recurso de suplicación por razón da contía reclamada, que non supera os 3.000 euros.
E para que sirva de notificación en forma a Esabe Vigilancia, S.A., en ignorado paradoiro, expido e asino este edicto.
Lugo, 3 de maio de 2013
O secretario xudicial