M. Socorro Bazarra Varela, secretaria xudicial da Sala Segunda do Social do Tribunal Superior de Xustiza de Galicia, fago saber que no procedemento de recurso de suplicación 121/2013-GA desta sección, seguido por instancia do Fogasa contra a empresa Federico Moreno Izquierdo, Modesto Refojo González, Silvia María Ruibal Pena, Raquel Álvarez Pérez e a administración concursal da empresa Federico Moreno Izquierdo (Rafael Moreno García-ADM), sobre despedimento disciplinario, se ditou a resolución seguinte:
«Resolvemos que, estimando o recurso de suplicación interposto pola representación procesual do Fondo de Garantía Salarial contra a Sentenza do 31 de outubro de 2012, ditada polo Xulgado do Social número 3 dos de Pontevedra, en proceso seguido por instancia de Modesto Refojo Fernández, Silvia María Ruibal Pena e Raquel Álvarez Pérez contra a empresa Federico Moreno Izquierdo, debemos revogar e revogamos a sentenza contra a cal se recorreu e, desestimando as demandas reitoras dos autos, debemos absolver e absolvemos a empresa demandada das peticións delas.
Incorpórese o orixinal desta sentenza, pola súa orde, ao libro de sentenzas deste Tribunal Superior de Xustiza de Galicia, Sala do Social.
Modo de impugnación. Fáiselles saber ás partes que contra esta sentenza cabe interpor recurso de casación para a unificación de doutrina, que se debe preparar mediante escrito presentado ante esta sala do social dentro do improrrogable prazo dos dez días hábiles inmediatos seguintes á data de notificación desta sentenza. Se o recorrente non tiver a condición de traballador ou beneficiario do réxime público da Seguridade Social, deberá consignar a cantidade de 600 euros en concepto de depósito para recorrer, na conta de consignacións desta sala, aberta en Banesto co nº 1552, debendo indicar no campo concepto “Recurso”, seguida do código “35 Social Casación”. Se o ingreso se fai mediante transferencia bancaria, deberá incluír, tras a conta referida, separados por un espazo, o código “35 Social Casación”. Se efectúa diversos pagamentos na mesma conta, deberá especificar un ingreso por cada concepto, mesmo se corresponden a outros recursos da mesma ou distinta clase, indicando no campo de observacións a data da resolución contra a cal se recorreu, utilizando o formato dd/mm/aaaa. Quedan exentos do seu aboamento, en todo caso, o Ministerio fiscal, o Estado, as comunidades autónomas, as entidades locais e os organismos autónomos dependentes deles.
Así, por esta a nosa sentenza, pronunciámolo, mandámolo e asinámolo».
E para que conste, para efectos da súa publicación no Diario Oficial de Galicia, co fin de que lle sirva de notificación en forma á empresa Federico Moreno Izquierdo, actualmente en ignorado paradoiro, coa advertencia de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento, expido e asino este edicto.
A Coruña, 3 de maio de 2013
A secretaria xudicial
