O artigo 20 da Lei orgánica 15/1999, do 13 de decembro, de protección de datos de carácter persoal (BOE nº 298, do 14 de decembro) establece que a creación, modificación ou supresión dos ficheiros das administracións públicas só poderán facerse mediante a disposición xeral publicada no Boletín Oficial del Estado ou diario oficial correspondente.
A entrada en vigor do regulamento de desenvolvemento da Lei orgánica 15/1999, do 13 de decembro, de protección de datos de carácter persoal, aprobado mediante o Real decreto 1720/2007, do 21 de decembro, introduciu, a través dos artigos 53 e 54, algunhas novidades en canto á forma e contido da disposición, destacando a necesidade de especificar o sistema de tratamento do ficheiro, que poderá ser automatizado, non automatizado ou parcialmente automatizado.
No exercicio das competencias que me atribúe a Lei 9/1995, do 10 de novembro, do Consello Consultivo de Galicia, e o seu regulamento de organización e funcionamento, aprobado polo Decreto 282/2003, do 22 de maio, e co fin de dar cumprimento ao mandato legal do artigo 20 da Lei orgánica 15/1999, así como no artigo 52 do seu Regulamento de desenvolvemento,
DISPOÑO:
Primeiro. Crearanse os ficheiros incluídos no anexo desta resolución, en cumprimento do artigo 20 da Lei orgánica 15/1999 e o artigo 54.1 do seu regulamento de desenvolvemento.
Segundo. Os ficheiros que se recollen no anexo desta resolución rexeranse polas disposicións xerais e instrucións que se detallen para cada un deles, e estarán sometidos, en todo caso, ás normas legais e regulamentarias de superior rango que lles sexan aplicables.
Terceiro. En cumprimento do artigo 55 do regulamento de desenvolvemento da Lei 15/1999, os ficheiros serán notificados para a súa inscrición no Rexistro Xeral de Protección de Datos no prazo de trinta días desde a publicación desta resolución no Diario Oficial de Galicia.
Cuarto. A presente resolución entrará en vigor o día seguinte ao da súa publicación no Diario Oficial de Galicia.
Santiago de Compostela, 13 de maio de 2013
Mª Teresa Conde-Pumpido Tourón
Presidenta do Consello Consultivo de Galicia
ANEXO
Ficheiros de nova creación
Ficheiro: rexistro de entrada e saída
a) Identificación do ficheiro, indicando a súa denominación, así como a descrición da súa finalidade e usos previstos.
a.1) Identificación do ficheiro: rexistro de entrada e saída.
a.2) Finalidade de usos previstos:
Finalidade: xestión da documentación recibida e emitida polo Consello Consultivo de Galicia.
Usos: trámites administrativos da institución.
b) Orixe dos datos, indicando o colectivo de persoas sobre os cales se pretende obter datos de carácter persoal ou que resulten obrigadas a facilitalos, o procedemento de recolla dos datos e a súa procedencia.
b.1) Colectivo: todo aquel que proceda a tramitar algún documento ante o Consello Consultivo de Galicia -art. 11 da Lei 9/1995, do 10 de novembro-. Remitentes e destinatarios (cidadáns e residentes, asociados ou membros, representantes legais, persoas de contacto, solicitantes, cargos públicos).
b.2) Procedencia:
A propia persoa interesada (a propia persoa interesada ou o seu representante legal, entidade privada, administracións públicas).
Procedemento de recolla: tramitación electrónica de datos, transmisión de datos en formato papel.
c) Estrutura básica do ficheiro e o sistema de tratamento utilizado na súa organización.
c.1) Estrutura:
Datos identificativos: NIF/DNI, número de rexistro persoal, nome e apelidos, enderezo, teléfono, sinatura.
Outras categorías de carácter persoal:
Datos de características persoais (datos de estado civil, data de nacemento, lugar de nacemento, idade, sexo, nacionalidade).
c.2) Sistema de tratamento: ficheiro parcialmente automatizado.
d) Comunicacións dos datos previstas: non se prevén cesións ou comunicación de datos.
e) Transferencias internacionais previstas a terceiros países: non se realizan ou non están previstos tratamentos de datos fóra do territorio do espazo económico europeo.
f) Órganos responsables do ficheiro: Consello Consultivo de Galicia.
g) Servizos ou unidades ante os cales se poden exercer os dereitos de acceso, rectificación, cancelación e oposición: rúa Algalia de Abaixo, 24, 15704 Santiago de Compostela (A Coruña).
h) Nivel de medidas de seguridade: nivel básico.