En cumprimento do disposto no artigo 28 do Decreto 39/2001, do 1 de febreiro, de refundición en materia de Consello Galego de Turismo, declaración de municipio turístico galego e declaración de festas de Galicia de interese turístico, esta dirección dispón que se publique no Diario Oficial de Galicia o acordo adoptado polo Consello da Xunta na súa reunión do 10 de maio de 2013, que a seguir se transcribe:

«Declarar festas de Galicia de interese turístico, de conformidade co establecido no Decreto 39/2001, do 1 de febreiro, de refundición en materia de Consello Galego de Turismo, declaración de municipio turístico galego e declaración de festas de Galicia de interese turístico, as seguintes:

• Festa do Salmón, que se celebrará o terceiro domingo do mes de maio, no concello da Estrada (Pontevedra).

• Festa do Choco, que se celebrará o segundo fin de semana do mes de maio, no concello de Redondela (Pontevedra).

• Festa do Melindre e da Repostería Tradicional da Terra de Melide, que se celebrará o segundo domingo de maio no concello de Melide (A Coruña)».

Santiago de Compostela, 16 de maio de 2013

Mª Nava Castro Domínguez
Directora de Turismo de Galicia