De conformidade co disposto no artigo 59.5º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que se relaciona no anexo a resolución de caducidade do expediente sancionador por infracción da Lei 8/1995, do 30 de outubro, do patrimonio cultural de Galicia.
Contra esta resolución, que non pon fin á vía administrativa, poderán os interesados interpoñer recurso de alzada ante o conselleiro de Cultura, Educación e Ordenación Universitaria no prazo dun mes contado a partir do día seguinte ao da súa publicación no Diario Oficial de Galicia, de conformidade co disposto no artigo 115 da Lei 30/1992, do 26 de novembro, de réxime xurídico das administracións públicas e do procedemento administrativo común.
Os interesados poderán examinar o expediente no Servizo de Patrimonio Cultural da Xefatura Territorial da Consellería de Cultura, Educación e Ordenación Universitaria de Pontevedra.
Santiago de Compostela, 6 de maio de 2013
Roberto Pena Puentes
Xefe do Servizo de Vixilancia e Inspección
ANEXO
Nº de expediente: S-P-16.12.
Interesada: Areal Ingeniería, S.L.
Último enderezo coñecido: rúa Bailén, 1, entresollado, 36206 Vigo.
Feitos imputados: obras de canalización de liña eléctrica LMTS e RBTS ao nº 16 da rúa Areal esquina coa rúa de Pontevedra, no ámbito de protección do xacemento arqueolóxico do Areal, no concello de Vigo, sen que se executase o control arqueolóxico e demais condicións da autorización da Dirección Xeral do Patrimonio Cultural do 23 de novembro de 2009.
Tipificación: artigo 90.g) da Lei 8/1995, do 30 de outubro, do patrimonio cultural de Galicia.
Precepto sancionador: artigo 95 da Lei 8/1995, do 30 de outubro, do patrimonio cultural de Galicia.