María Jesús Hernando Arenas, secretaria xudicial do Xulgado do Social número 5 da Coruña, fai saber que ante este xulgado se tramitan autos co número PO 713/2012 por instancia de Diego Barcia Sanjurjo contra Grúas Dalbe, S.L. e Fiatc Mutua de Seguros y Reaseguros a Prima Fija, sobre cantidade, nos cales no día 18 de abril de 2013 se ditou sentenza cuxa parte dispositiva di textualmente:
«Ditame.
Que debo estimar e estimo parcialmente a demanda que en materia de cantidade foi interposta por Grúas Dalbe, S.L. contra a entidade Grúas Dalbe, S.L. e Fiatc Mutua de Seguros y Reaseguros a Prima Fija, e en consecuencia debo condenar e condeno a Grúas Dalbe, S.L. e Fiatc Mutua de Seguros y Reaseguros a Prima Fija, a que lle aboe o demandante a cantidade de 5.750,57 € como indemnización de danos e perdas derivados do accidente de traballo sufrido o 3 de marzo de 2009.
Notifíqueselles a presente resolución ás partes facéndolles saber o seu dereito a interpor contra esta recurso de suplicación ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación.
Se o recurso é interposto pola parte demandada non se admitirá este sen a consignación previa do importe da condena que deberá ingresar na conta do Xulgado do Social número 5 da Coruña, aberta no grupo Banesto, número 47570000, código 36 e número de expediente, máis 300 € do depósito especial indicado no artigo 229.1.a) da LRXS. Ambos os dous ingresos deberán efectuarse por separado na mesma conta corrente antes indicada, e poderá substituír a empresa o importe da consignación pola constitución á disposición deste xulgado de aval bancario por tempo indefinido e con responsabilidade solidaria do avalista.
En todo caso, o recorrente deberá designar letrado para a tramitación do recurso no momento de anuncialo.
Dedúzase testemuño literal desta sentenza, que quedará nestas actuacións, con inclusión da orixinal no libro de sentenzas.
Así, por esta a miña sentenza, o pronuncio, mando e asino».
Para que conste e inserir no Diario Oficial de Galicia co fin de que sirva de notificación á empresa demandada Grúas Dalbe, S.L., co apercibimento de que as sucesivas notificacións se realizarán nos estrados do xulgado, agás as que revistan forma de emprazamentos, sentenzas e autos, expido e asino o presente edicto.
A Coruña, 24 de abril de 2013
María Jesús Hernando Arenas
Secretaria xudicial
