O Xurado Provincial de Clasificación de Montes Veciñais en Man Común de Ourense, en sesión celebrada o día 6 de febreiro de 2013, en relación coa avinza celebrada entre as comunidades de montes veciñais en man común do Rego e Ampliación do Rego, pertencentes á parroquia de Moura (agás Fiscal), Fontes, Luíntra, Mundín, A Seara de Arriba, Baldomar e Biduedo, e Castelos 2, pertencente a Monteverde e Baldomar, no concello de Nogueira de Ramuín (Ourense), examinada a documentación presentada e co informe favorable do Servizo de Montes, tendo en conta que os montes Ampliación do Rego e Castelos 2, se atopan en trámites de clasificación, resolveu aceptar o acordo acadado previamente polas respectivas comunidades e ordenar a súa publicación no Diario Oficial de Galicia, para os efectos do disposto no artigo 53 da Lei 7/2012, do 28 de xuño, de montes de Galicia.

Contra esta resolución, que pon fin á vía administrativa, poderase interpoñer recurso potestativo de reposición perante o Xurado Provincial de Clasificación de Montes Veciñais en Man Común de Ourense, no prazo dun mes, ou ben directamente recurso contencioso-administrativo perante o Xulgado do Contencioso-Administrativo de Ourense, no prazo de dous meses contados desde o día seguinte ao desta resolución, segundo o disposto na Lei 30/1992, do 26 de novembro, de réxime xurídico das administracións públicas e do procedemento administrativo común, así como na Lei 29/1998, do 13 de xullo, reguladora da xurisdición contencioso-administrativa.

Ourense, 18 de abril de 2013

Yago Borrajo Sánchez
Presidente do Xurado Provincial de Clasificación de Montes Veciñais
en Man Común de Pontevedra