Marta Yanguas del Valle, secretaria xudicial de reforzo do Xulgado do Social número 3 da Coruña, fago saber que no procedemento de despedimento/cesamentos en xeral 1393/2012 deste xulgado do social, seguido por instancia de José Luis Atán Rodríguez contra a empresa Hotel El Hórreo, S.A., Fogasa, sobre despedimento, se ditou a resolución cuxo encabezamento e parte dispositiva son do teor literal seguinte:

«Sentenza.

A Coruña, 22 de marzo de 2013.

Ana Rodríguez Piorno, maxistrada xuíza substituta do Xulgado do Social número 3 (reforzo) da Coruña, ditou a presente resolución nos autos de procedemento sobre despedimento 1393/2012, sendo demandante José Luis Atán Rodríguez, asistida polo letrado Sr. Salido Blanco, e demandada a empresa Hotel El Hórreo, S.A., despois de ser citado, do mesmo xeito, o Fondo de Garantía Salarial (Fogasa).

Dispoño que debo estimar e estimo a demanda interposta por parte de José Luis Atán Rodríguez contra a empresa Hotel El Hórreo, S.A. e, en consecuencia, declaro improcedente a extinción do contrato do demandante e condeno a empresa demandada á extinción da relación laboral, con aboamento a José Luis Atán Rodríguez da cantidade de 424,98 euros, en concepto de indemnización, así como da suma de 3.187,49 euros, en concepto de salarios e demais conceptos retributivos debidos.

Non procede a condena do Fondo de Garantía Salarial nesta instancia, sen prexuízo da responsabilidade que se lle poida imputar con posterioridade.

Notifíqueselles a presente sentenza ás partes.

Contra esta resolución cabe recurso de suplicación ante o Tribunal Superior de Xustiza de Galicia, o cal se deberá anunciar neste xulgado no prazo dos cinco días seguintes á notificación desta resolución, e abondará a manifestación da parte ou do seu avogado, graduado social colexiado ou representante dentro do indicado prazo.

Se o recorrente non goza do beneficio de xustiza gratuíta deberá, ao tempo de anunciar o recurso, ter consignado a cantidade obxecto de condena, así como o depósito de 300 euros na conta de depósitos e consignacións que ten aberta este xulgado, facendo constar no ingreso o número de procedemento.

Así o pronuncio, mando e asino.

Publicación. A anterior sentenza foi lida e publicada pola maxistrada xuíza que a subscribe no día da súa data, do que eu, a secretaria xudicial, dou fe».

E para que conste e sirva de notificación a Hotel El Hórreo, S.A., expídese a presente cédula para a súa publicación no Diario Oficial de Galicia e fixación no taboleiro de anuncios.

A Coruña, 2 de abril de 2013

A secretaria xudicial