Enrique Mayo López solicitou neste concello licenza de obra e actividade para construción de adega de elaboración de viños na localidade de Arnado (Vilamartín de Valdeorras). De conformidade co disposto no artigo 8 do Decreto 133/2008, do 12 de xuño, polo que se regula a avaliación da incidencia ambiental, sométese a información pública por un período de 20 días mediante anuncio no BOP de Ourense, no DOG e no taboleiro de edictos do concello, para que os interesados poidan examinar o expediente na secretaría do concello de Vilamartín de Valdeorras, das 9. 00 ás 14.00 horas, de luns a venres e, se é o caso, formular os reparos ou observacións que consideren oportunos. O presente anuncio servirá de notificación, de acordo co artigo 59.5 da Lei 30/1992 para todos aqueles que sexan descoñecidos, ou se ignore o seu paradoiro ou ben, intentada esta, non puidese practicarse.
Vilamartín de Valdeorras, 15 de abril de 2013
Mª Jesusa Candal Jarrín
Alcaldesa