Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:
Solicitante: UDESA.
Domicilio social: r/ José Ángel Valente, nº 17, local 62, Santiago de Compostela.
Denominación: LMTS e CT Lago Acevedo.
Situación: Cerceda.
Características técnicas:
Liña eléctrica de media tensión subterránea, 20 kV, cunha lonxitude de 0,475 km, coa orixe en empalmes proxectados que se van realizar na LMTS ao CT O Panadeiro (expediente 235/2001), no tramo entre o CS Celtibox e o CT Panadeiro (expediente 91/2006) e remate na cela de liña existente no CT Panadeiro, unha vez entre e saia no CT proxectado, condutor tipo RHZ1-2OL-12/20 kV, 3 (1×240 mm2 Al).
Centro de transformación prefabricado, cunha potencia de 250 kVA, e unha relación de transformación de 20.000/400-230 V.
Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.
A instalación executarase nun prazo non superior a un ano, contado a partir da data desta resolución.
Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
A Coruña, 7 de marzo de 2013
Susana Vázquez Romero
Xefa territorial da Coruña