O acordo de concentración parcelaria da zona de Goá (Cospeito-Lugo) foi aprobado pola Dirección Xeral de Infraestruturas Agrarias con data do 20 de febreiro de 2009 e publicouse na forma legalmente prevista na lexislación vixente, encontrándose na actualidade pendente de firmeza.
Con posterioridade a estes actos o Concello de Cospeito solicita a cesión da titularidade dos predios que se indican a seguir:
– Predio nº 857 para mellora do contorno da escola de Casablanca.
– Predio nº 870 para campo da festa, aparcadoiro e usos deportivos.
– Predio nº 876 para área recreativa.
– Predio nº 985 para área recreativa.
– Predio nº 515 para depósito de plásticos agrícolas e actividades deportivas e de lecer.
Visto o informe favorable da xunta local da zona, a Lei de reforma e desenvolvemento agrario, do 12 de xaneiro de 1973, a Lei 10/1985, do 14 de agosto, de concentración parcelaria para Galicia, modificada pola Lei 12/2001, do 10 de setembro, a Lei 6/2011, do 13 de outubro, de mobilidade de terras, a Lei 30/1992, do 26 de novembro, de réxime xurídico das administracións públicas e do procedemento administrativo común na súa redacción segundo a Lei 4/1999, do 13 de xaneiro, e demais disposicións legais vixentes de aplicación ao caso.
Á vista de que o destino para o que se solicitan os predios nos 857, 870, 876, 985 e 515 son perfectamente subsumibles no suposto recollido no artigo 32 da antedita lei galega, esta dirección xeral resolve:
1) Modificar o Acordo de concentración parcelaria da zona de Goá (Cospeito-Lugo) e adxudicar ao Concello de Cospeito a titularidade dos predios nos 857, 870, 876, 985 e 515 que causan baixa no fondo de terras da zona, co fin de seren destinadas aos fins indicados na parte expositiva da presente resolución.
2) Transcorridos cinco anos desde a cesión das titularidades sen que os predios sexan destinados aos fins para que son adxudicados, a titularidade dos referidos predios reverterá ao fondo de terras da zona, ao patrimonio da comunidade autónoma, á Axencia Galega de Desenvolvemento Rural (Agader), ou outra entidade que corrresponda, segundo o caso.
Contra esta resolución pódese interpoñer recurso de alzada ante a conselleira de Medio Rural e do Mar no prazo dun mes contado a partir do día seguinte a aquel en que sexa publicada esta resolución no Diario Oficial de Galicia.
Lugo, 25 de marzo de 2013
José Ramón Losada Fernández
Xefe territorial de Lugo