Mediante Orde da Consellería de Facenda do 20 de xullo de 2012 foi autorizado o alleamento mediante poxa duns inmobles situados na rúa Uruguai de Vigo.
Logo de publicarse o 20 de novembro de 2012 no Diario Oficial de Galicia, número 221, e nun xornal de ampla difusión (Faro de Vigo do mesmo día), o anuncio da Secretaría Xeral Técnica e do Patrimonio de alleamento dos citados inmobles, realizouse o 18 de decembro de 2012 a primeira poxa pública anunciada. A través da Orde do 7 de xaneiro de 2013 (DOG número 17, do 24 de xaneiro), acordouse declarar deserta a primeira poxa pública e convocar para o día 13 de febreiro de 2013 a segunda e terceira poxas públicas. Realizadas estas e á vista da acta da mesa de contratación, de conformidade co disposto no artigo 70 do Decreto 50/1989, polo que se aproba o Regulamento para a execución da Lei do patrimonio da Comunidade Autónoma galega, e tras a proposta da Secretaría Xeral Técnica e do Patrimonio,
DISPOÑO:
Primeiro. Declarar deserta en segunda e terceira poxas a adxudicación do seguinte lote:
Piso segundo esquerda, da casa número 4 da rúa Uruguai de Vigo, destinado a vivenda, cunha extensión superficial de 148 m2.
Piso segundo dereita, da casa número 4 da rúa Uruguai de Vigo, destinado a vivenda, cunha extensión superficial de 133 m2.
Referencias catastrais: 3362002NG2736S0006YW e 3362002NG2736S0007UE.
Inscritos no Rexistro da Propiedade número 1 de Vigo, como predios 25.118 e 25.119, no libro 59.
Tipo de licitación na segunda poxa: 406.045 euros.
Tipo de licitación na terceira poxa: 334.390 euros.
Segundo. Contra esta resolución, que pon fin á vía administrativa, poderase interpoñer recurso potestativo de reposición perante esta consellería no prazo dun mes, contado desde o día seguinte ao da súa publicación no Diario Oficial de Galicia, ou recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses.
Santiago de Compostela, 20 de febreiro de 2013
P.D. (Orde 9.1.2012; DOG núm. 9, do 13 de xaneiro)
Mª del Socorro Martín Hierro
Secretaria xeral técnica e do Patrimonio da Consellería de Facenda