Visto o expediente para o outorgamento de autorización administrativa e de aprobación do proxecto de execución da instalación eléctrica que a seguir se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: subestación As Somozas 132 kV, ampliación MT.
Situación: concello das Somozas.
Características técnicas: ampliación do actual parque de 20 kV da subestación das Somozas, mediante unha nova posición de liña 20 kV, formada por:
Cela de simple barra con protección de liña Siemens/Isowat, modelo NxPLUS-C. Equipada con: seccionador tripolar de barras con tres posicións: aberto, cerrado e posta a terra para mantemento, 1000 A, 25 kA.
Tres transformadores de intensidade 200-400/5-5A.
Tres terminais enchufables con cable illado para conexión a cable unipolar illamento seco 12/20 kV.
Transformador toroidal de intensidade abrible 60/1A sobre os tres cables unipolares da liña.
Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e o ambiente.
A instalación executarase nun prazo non superior a un ano, contado a partir da data desta resolución.
Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
A Coruña, 6 de febreiro de 2013
Susana Vázquez Romero
Xefa territorial da Coruña
