Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: anexo I LMTA, CTI, RBTA Vilasenín II.

Situación: concello de Ordes.

Características técnicas:

Cambio de localización do punto de entroncamento da liña de media tensión aérea a 20 kV proxectada, que pasa a realizarse en apoio existente 11-35 da LMT SME-809, con entroncamento na derivada ao CT Vilasenín (expediente 27406), que pasa a ter unha lonxitude de 341 m, con condutor LA-56/54,6 mm2, e instálase o apoio número 1 que inicialmente se intercalaba baixo a liña existente dentro da mesma parcela número 1, manténdose as mesmas afeccións no resto das parcelas do proxecto.

Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II, do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.

A instalación executarase nun prazo non superior a un ano, contado a partir da data desta resolución.

Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.

A Coruña, 6 de febreiro de 2013

Susana Vázquez Romero
Xefa territorial da Coruña