No procedemento de referencia ditouse a resolución do teor literal seguinte:
«Sentenza.
En Santiago de Compostela o dezanove de abril de dous mil doce.
Jorge Cid Carballo, maxistrado xuíz do Xulgado de Primeira Instancia número 5 de Santiago de Compostela, vistos os presentes autos de xuízo verbal 130/2012-1 seguidos por instancia de María Núñez Fidalgo, representada pola procuradora María Soledad Sánchez Silva e asistida polo letrado José Manuel Cotón Carreira, contra Grace Antonia Nouel Brache declarada en situación de rebeldía procesual, en reclamación de rendas debidas.
Decido:
Estimando a demanda interposta pola procuradora Soledad Sánchez Silva en nome e representación de María Núñez Fidalgo contra Grace Antonia Nouel Brache debo condenar e condeno a demandada a aboarlle á demandante a cantidade de doce mil catrocentos oitenta e oito euros con corenta e un céntimos (12.488,41 €) en concepto de rendas e IVE, sen prexuízo de que a demandada poida aplicar a estas rendas a retención correspondente, máis o xuro legal desde a data de interposición da demanda. Todo isto con expresa imposición de custas á parte demandada.
Esta sentenza non é firme, contra ela pode interpoñerse recurso de apelación, perante a Audiencia Provincial, neste mesmo xulgado, no prazo de vinte días contados a partir do seguinte ao da súa notificación, por escrito, con sinatura de letrado e procurador, na forma prevista nos artigos 457 e seguintes da nova LAC.
Igualmente, advírtaselles a ambas as partes que se desexan formular recurso de apelación deberán acreditar, co escrito de interposición do recurso, a constitución de depósito na conta de depósitos e consignacións do Xulgado de acordo co establecido na disposición adicional décimo quinta da LOPX e polo importe previsto en tal norma, apercibíndoos de que a non constitución do depósito comportará a inadmisión a trámite do recurso.
Líbrese e únase certificación desta resolución ás actuacións con inclusión do orixinal no libro de sentenzas.
Así por esta miña sentenza, definitivamente xulgando en primeira instancia, pronúncioo, mándoo e asínoo».
E como consecuencia do ignorado paradoiro de Grace A. Nouel Brache, expídese este edicto para que sirva de cédula de notificación.
Santiago de Compostela, 8 de novembro de 2012
Mª Manuela García Jalón de la Lama
Secretaria xudicial
