Susana Varela Amboage, secretaria xudicial do Xulgado do Social número 3 de Santiago de Compostela, fago saber que no procedemento ordinario 197/2012 deste xulgado do social, seguido por instancia de Sandra María Quintana Rodríguez contra a empresa Arasti Barca Ma, S.L., Patricia Sabela Rivas Lorenzo, Campa Formación e Intervención Socioeducativa, S.L., Evenculsa, S.L., e o Concello de Santiago de Compostela, sobre ordinario, ditouse a seguinte resolución:
«Decido que debo estimar e estimo parcialmente a demanda presentada por Sandra María Quinta Rodríguez e, en consecuencia, condeno solidariamente a Arasti Barca, S.L. e ao Concello de Santiago de Compostela a pagar á demandante 11.275,68 euros en concepto de diferenzas retributivas correspondentes ao ano 2011.
Tense a parte demandante por desistida da acción iniciada contra Patricia Sabela Rivas Lorenzo, Evenculsa, S.L., Campa Formación e Intervención Socioeducativa, S.L.
Non procede realizar pronunciamento de condena ao Fogasa.
Notifíquese a presente resolución ás partes facéndolles saber que contra ela poden interpoñer recurso de suplicación no prazo de cinco días desde a súa notificación.
Lévese o orixinal desta resolución ao libro de sentenzas e déixese testemuño nas actuacións.
Así o acordo, mando e asino.
A maxistrada xuíza».
Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
E para que sirva de notificación da sentenza á codemandada Evenculsa, S.L., por acharse en ignorado paradoiro, expídese o presente para a súa inserción no Diario Oficial de Galicia.
Santiago de Compostela, 16 de xaneiro de 2013
A secretaria xudicial