Con motivo do recurso interposto pola empresa Rías Altas, S.A., no que impugna o punto da cláusula 5.3 do prego de cláusulas administrativas particulares do expediente AB-ASF1-12-014, que exixe que á documentación administrativa se xuntasen copias do permiso municipal do condutor e licenza municipal para automóbiles de servizo público, ditouse a Resolución do 5 de decembro de 2012 estimando o recurso.
Posteriormente, por Resolución do 12 de decembro de 2012, acordouse a desistencia da celebración deste contrato de conformidade co artigo 155 do Real decreto lexislativo 3/2011, do 14 de novembro, polo que se aproba o texto refundido de la Lei de contratos do sector público, ordenando convocar unha nova licitación na cal deban servir de base uns novos pregos que permitan participar na licitación a todas as empresas que o ordenamento xurídico faculta para a realización do obxecto deste contrato.
Ferrol, 31 de decembro de 2012
P.D. (Orde 5.7.2012; DOG nº 139, do 20 de xullo)
Ángel Facio Villanueva
Xerente de Xestión Integrada de Ferrol