Unha vez aprobado inicialmente, por acordo do Pleno do día 28 de novembro de 2012, o proxecto de modificación do Plan xeral de ordenación municipal, de acordo cos artigos 85.2 e 93.4 da Lei 9/2002, do 30 de decembro, de ordenación urbanística e protección do medio rural de Galicia, sométese a información pública por un prazo dun mes contado desde o día seguinte ao da publicación deste anuncio no Diario Oficial de Galicia.
Durante o devandito prazo, calquera persoa interesada poderá examinalo nas dependencias municipais para formular as alegacións que considere pertinentes.
Suspéndese o outorgamento de licenzas naqueles ámbitos do territorio obxecto de planeamento cuxas novas determinacións supoñan a modificación da ordenación urbanística vixente.
As áreas afectadas pola suspensión son a igrexa e o cemiterio de Sanamede do Monte.
A Baña, 8 de xaneiro de 2013
José Andrés García Cardeso
Alcalde