Nas actuacións RSU 1918/10-S a que se refire o encabezamento, seguidas ante a Sala do Social deste Tribunal Superior de Xustiza, dimanantes dos autos número 377/2009 do Xulgado do Social número 1 de Ferrol promovidos por Juan José Rodríguez Ferreira contra o Instituto Nacional da Seguridade Social, a Tesouraría Xeral da Seguridade Social, Travesa Sociedad Cooperativa Gallega e a mutua Fremap, sobre accidente de grao, con [esta] data foi ditada a resolución cuxa parte dispositiva é do seguinte teor literal:

«Decidimos

Que debemos desestimar e desestimamos o recurso de suplicación interposto pola representación procesual de Juan José Rodríguez Ferreira contra a sentenza ditada polo Xulgado do Social número 1 de Ferrol, do 10 de febreiro de 2010 ditada nos autos 377/2009 seguidos por instancia do demandante contra o INSS e a TXSS, a mutua Fremap e a empresa Travesa Soc. Cooperativa Gallega sobre invalidez, e confirmamos en todos os seus pronunciamentos a resolución impugnada.

Notifíquese esta resolución ás partes e á Fiscalía do Tribunal Superior de Xustiza de Galicia e fágaselles saber que, contra ela, só cabe recurso de casación para unificación de doutrina que se preparará por escrito ante esta sala do social, dentro dos dez días seguintes á notificación desta sentenza e de acordo co disposto nos artigos 218 e seguintes da Lei de xurisdición social. Se a recorrente non estiver exenta de depósito e consignación para recorrer, deberá ingresar:

– A cantidade obxecto de condena na c/c desta sala no banco Banesto, nº 1552 0000 80 (nº recurso) (dúas últimas cifras do ano).

– O depósito de 600 euros na c/c desta sala nº 1552 0000 37 (nº recurso) (dúas últimas cifras do ano).

Unha vez firme, expídase certificación para constancia na peza que se arquivará neste tribunal e incorpórese o orixinal ao correspondente libro de sentenzas, logo de devolución dos autos ao xulgado do social de procedencia.

Así o pronunciamos, mandamos e asinamos por esta a nosa sentenza».

Advírtese á parte en ignorado paradoiro que, a partir deste momento, se lle efectuarán as notificacións nas dependencias do xulgado, salvo que se trate de autos, sentenzas ou emprazamentos, de acordo co establecido no artigo 59 da Lei de procedemento laboral.

E para que así conste para os efectos da súa publicación no Diario Oficial de Galicia co fin de que sirva de notificación en forma a Travesa Sociedad Cooperativa Gallega, con último domicilio coñecido en Ferrol, r/ São Paulo bl. 20, n.º 5-41 esq., coa advertencia de que as seguintes comunicacións se farán nas dependencias do xulgado, salvo as que deban revestir forma de auto ou sentenza ou cando se trate de emprazamento, expido e asino este edicto.

A Coruña, 19 de decembro de 2012

A secretaria xudicial