O Pleno, en sesión extraordinaria que tivo lugar o 18 de decembro de 2012, en cumprimento da normativa exposta, segundo o procedemento regulado nos artigos 85 da Lei 9/2002, do 30 de decembro, de ordenación urbanística e protección do medio rural de Galicia, aproba este acordo:
1º Aprobar inicialmente o Plan xeral municipal de ordenación urbana do concello de Silleda.
Considerando o expediente tramitado e a seguinte documentación elaborada por EPTISA, de novembro de 2012:
Constan tres caixas con varios volumes en cada una delas; estas caixas identifícanse externamente así:
– «EPTISA. Concello de Silleda. Pontevedra. Plan xeral de ordenación municipal. Caixa tomo I de III. Aprobación inicial. Novembro 2012».
– «EPTISA. Concello de Silleda. Pontevedra. Plan xeral de ordenación municipal. Caixa tomo II de III. Aprobación inicial. Novembro 2012».
– «EPTISA. Concello de Silleda. Pontevedra. Plan xeral de ordenación municipal. Caixa. Tomo III de III. Aprobación inicial. Novembro 2012».
E, como consecuencia, acórdase suspender a concesión de licenzas en aplicación do artigo 77.2º da Lei 9/2002, de ordenación urbanística e protección do medio rural de Galicia:
A suspensión determinada pola aprobación inicial terá unha duración máxima de dous anos contados desde a dita aprobación e, en calquera caso, extinguirase coa aprobación definitiva do planeamento.
Segundo o informe verbal do arquitecto asesor do Concello na sesión da Comisión especial de Contas e Informativa de Economía, Facenda, Réxime Interior, Urbanismo, Medio Ambiente e Medio Rural do 14 de decembro de 2012, acórdase que procede a suspensión de licenzas de obra maior en todo o termo municipal, salvo:
– No polígono industrial Área 33 (fases A e B).
– En solo rústico, canto á ampliación de estabulacións existentes da disposición transitoria décimo primeira da Lei 9/2002, Louga.
2º O plan aprobado inicialmente con todos os documentos integrantes do expediente tramitado, incluído o informe de sustentabilidade ambiental, será sometido simultaneamente ás consultas previstas no documento de referencia e ao trámite de información pública durante un prazo de dous meses, mediante anuncio que se publicará no Diario Oficial de Galicia e en dous dos xornais de maior difusión na provincia. Simultaneamente e durante o mesmo prazo, darase audiencia aos municipios limítrofes. Non será necesaria a notificación do trámite de información pública ás persoas propietarias de terreos afectados.
3º Ao mesmo tempo que o trámite de información pública, o concello obterá das administracións públicas competentes os informes sectoriais que resulten necesarios, que deberán ser emitidos no prazo máximo dun mes, salvo que a lexislación sectorial sinale outro prazo.
4º O concello, unha vez transcorrido o período de consultas e información pública, e con carácter previo á aprobación provisional, enviará ao órgano ambiental a documentación completa do plan que tome en consideración o informe de sustentabilidade ambiental, as alegacións e os informes presentados no período de consultas, así como unha proposta de memoria ambiental de conformidade co disposto no artigo 12 da Lei 9/2006, do 28 de abril, sobre avaliación dos efectos de determinados plans e programas no ambiente. Deberá tamén enviar os informes sectoriais e un informe sobre o proceso de participación pública.
O órgano ambiental, no plazo de dous meses desde a recepción da documentación completa elaborará a memoria ambiental.
A memoria ambiental conterá as determinacións finais que deban incorporarse á proposta do plan.
5º Cumpridos os trámites sinalados nos puntos precedentes, o Pleno do concello aprobará provisionalmente o contenido do plan coas modificacións que foran pertinentes e someterao, co expediente completo debidamente dilixenciado, ao órgano autonómico competente que deba outorgar a aprobación definitiva (consellería competente en materia de urbanismo y ordenación do territorio, artículo 89.1 Louga).
6º Notificar estes acordos á Administración do Estado e á Comunidade Autónoma de Galicia, en aplicación da normativa patrimonial, en caso de bens da súa titularidade afectados:
– Lei 33/2003, do 3 de novembro, do patrimonio das administracións públicas.
– Real decreto 1373/2009, do 28 de agosto, regulamento xeral da Lei 33/2003, do 3 de novembro, do patrimonio das administracións públicas.
– Lei 5/2011, do 30 de setembro, do patrimonio da Comunidade Autónoma de Galicia.
O expediente tramitado estará á disposición dos interesados, nas dependencias de Urbanismo do Concello de Silleda, sitas na rúa Alfonso Trabazo, 3, 1º, das 9.00 ás 15.00 horas, de luns a venres.
Silleda, 8 de xaneiro de 2013
Paula Fernández Pena
Alcaldesa