María José Díaz Martul solicitou desta alcaldía licenza municipal para acondicionamento á normativa vixente e legalización de actividade de taller de lavado, engraxamento e cambio de pneumáticos, situado na Estrada Xeral, nº 18, Rodeiro.
En cumprimento do disposto no artigo 8.3 do Decreto 133/2008, do 12 de xuño, no que se regula a avaliación de incidencia ambiental, sométese a información pública por período de vinte días hábiles, co fin de que durante este tempo –que comezará a contarse desde o día seguinte ao da inserción do presente edicto no Boletín Oficial da provincia e no Diario Oficial de Galicia– poidan examinar o expediente, na Secretaría deste Concello, as persoas que dalgún xeito se consideren afectadas polas actividades que se pretenden instalar e formular por escrito as reclamacións ou observacións que estimen oportunas.
Rodeiro, 13 de decembro de 2012
Luís López Diéguez
Alcalde