Unha vez solicitada por Espército Álvarez Vázquez licenza de cambio de orientación zootécnica dunha explotación de porcino, que pasa de ciclo pechado para 60 nais a ceba para 800 animais, no lugar das Cerdeiras (Armental), e unha vez sometida a avaliación de incidencia ambiental, neste Concello tramítase o oportuno expediente.

En cumprimento da normativa vixente, procédese a abrir de novo período de información pública polo termo de vinte días mediante anuncio no Diario Oficial de Galicia e no Boletín Oficial da provincia, para que quen se vexa afectado dalgún xeito pola dita actividade presente as observacións que considere pertinentes.

O expediente obxecto desta información pódese consultar nas oficinas municipais en horario de atención ao público.

A Peroxa, 13 de decembro de 2012

Manuel Seoane Rodríguez
Alcalde