Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:
Solicitante: BEGASA.
Domicilio social: rúa Cidade de Viveiro, 4, 1º, 27002 Lugo.
Denominación: novas saídas ST Lamas de Prado: LMTS Abella 1 e LMTS Abella 2 e o seu anexo.
Situación: concello de Lugo.
Características técnicas:
LMT Abella 1 e Abella 2 a 20 kV en canalización proxectada, con orixe en dúas celas da ST Lamas de Prado e final en dous empalmes situados nunha arqueta proxectada no linde da ST Lamas de Prado, cada unha das liñas ten unha lonxitude de 114 metros de condutor tipo RHZ1 12/20 kV 2OL (S) 1×240 AI + H16.
Cumpridos os trámites ordenados na Lei 54/1997, do 27 de novembro e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 12 de decembro de 2012
José Manuel Vázquez Leirado
Xefe territorial de Lugo