José Antonio Fabeiro González, en nome e representación da Comunidade Parroquial de San Juan, solicitou desta alcaldía licenza municipal para a ampliación do cemiterio parroquial de Portas, fase 3ª, no lugar de Piñeiro, Portas.

En cumprimento do disposto no artigo 8.3 do Decreto 133/2008, do 12 de xuño, no que se regulan as actividades sometidas a avaliación de incidencia ambiental, sométese a información pública por período de vinte días hábiles, co fin de que durante este –que comezará a contar desde o día seguinte ao da inserción do presente edicto no Boletín Oficial da provincia e no Diario Oficial de Galicia– poidan examinar o expediente, na Secretaría deste concello, as persoas que dalgunha maneira se consideren afectadas polas actividades que se pretenden instalar e formular por escrito as reclamacións ou observación que consideren oportunas.

Portas, 8 de outubro de 2012

Roberto Vázquez Souto
Alcalde