Intentada mediante correo certificado a notificación de orde de desaloxo (data do aviso de recepción 28.9.2012) e non sendo posible por resultar ausente no seu domicilio o destinatario, por medio desta cédula ponse no seu coñecemento que finalizou o prazo da autorización temporal do departamento nº 9 do porto de Suevos, ao non ser presentada a documentación solicitada.
Polo exposto, esta xefatura de zona, no que resulta da súa competencia, resolve emitir orde de desaloxo inmediato do referido departamento o día seguinte da publicación deste anuncio no Diario Oficial de Galicia. De non procederse ao desaloxo inmediato, aplicarase o disposto na regra 9ª da tarifa E-2 da Lei 6/2003, de taxas, prezos e exaccións reguladoras da Comunidade Autónoma de Galicia, que di: «No caso de ocupación de superficie sen contar con esta autorización, a tarifa que se aplicará durante o prazo de ocupación será o quíntuplo da que con carácter xeral lle correspondería…» ata que efectúe o desaloxo vostede, feito que deberá comunicar ao persoal de Portos de Galicia. No caso contrario, seguirase aplicando o disposto anteriormente, sen perxuízo da sanción que poida proceder.
Importe mensual da regra décima da tarifa E-2:
11,95 m2×0,038749 €/ m2/día×5= 2,31525275 €/ día+IVE.
No caso de non levarse a cabo o desaloxo voluntario, Portos de Galicia reserva para si o dereito de efectualo á súa custa, pasándolle posteriormente os gastos orixinados e non responsabilizándose Portos de Galicia polos danos causados na retirada e transporte dos obxectos.
Contra esta orde, que non esgota a vía administrativa, cabe interpoñer recurso de alzada perante a Dirección do ente público no prazo dun (1) mes a partir da súa recepción, de acordo co disposto na Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
A Coruña, 29 de novembro de 2012
Lorena Solana Barjacoba
Enxeñeira xefa da zona centro de Portos de Galicia