O Pleno da Corporación, en sesión ordinaria do 26 de outubro de 2012, aprobou inicialmente a modificación puntual das normas subsidiarias do Concello de Outeiro de Rei para a delimitación de núcleos rurais de Alvite, A Franca, As Pontellas, Barciela, Francos, A Corredoira, Penelas e Leiros Largos, modificación das ordenanzas SNU/N e SNU/IPV, modificación de disposicións de carácter xeral e réxime de aplicación ás edificacións fóra de ordenación.
En cumprimento do disposto no artigo 85 da Lei 9/2002, de ordenación urbanística e protección do medio rural de Galicia, sométese o expediente a información pública polo prazo de dous meses, contados a partir da publicación deste anuncio no Diario Oficial de Galicia, durante o cal se poderá examinar na Secretaría municipal, en horario de oficina, e na páxina web do concello www.outeiroderei.org e formular as alegacións e observacións que se consideren pertinentes.
Outeiro de Rei, 15 de novembro de 2012
José Pardo Lombao
Alcalde