O Decreto 52/2011, do 24 de marzo, polo que se establece a ordenación de apartamentos e vivendas turísticas na Comunidade Autónoma de Galicia, recolle na disposición transitoria segunda, para as vivendas vacacionais inscritas no Rexistro de Empresas e Actividades Turísticas, un prazo de seis meses para solicitar a súa clasificación como vivenda turística.
Este organismo efectuou o preceptivo trámite de audiencia a que fai referencia o artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 12, do 14 de xaneiro), respecto do cal os titulares dos establecementos relacionados no anexo non efectuaron ningunha alegación.
Por todo o anteriormente exposto a Secretaría Xeral para o Turismo resolve a cancelación no Rexistro de Empresas e Actividades Turísticas da Comunidade Autónoma Galega das vivendas vacacionais. O que se lles notifica aos seus titulares, participándolles que contra esta resolución, que esgota a vía administrativa, poderán interpoñer recurso potestativo de reposición ante a Secretaría Xeral para o Turismo no prazo dun mes contado a partir do día seguinte ao da notificación desta resolución, ou directamente recurso contencioso-administrativo de conformidade co establecido na Lei 29/1998, do 13 de xullo, reguladora da xurisdición contencioso-administrativa, no prazo de dous meses contados desde o día seguinte ao da súa notificación no Diario Oficial de Galicia.
A Coruña, 3 de decembro de 2012
Mª Carmen Ramallal Molina
Xefa do Servizo de Turismo da Coruña
ANEXO
Establecemento: vivenda vacacional Fogar de Breogán.
Titular: Breogan Management, S.L.
Enderezo: Ventosa, Covas.
Concello: Ames.
Establecemento: vivenda vacacional lugar de Saa.
Titular: Xaquín López Gómez.
Enderezo: Saa, 7.
Concello: Cedeira.
Establecemento: vivenda vacacional Piso Eurohouse.
Titular: Turísticas Fisterra, S.C.
Enderezo: Estorde.
Concello: Cee.
Establecemento: vivenda vacacional Playa de Quenxe II.
Titular: Protur Galicia, S.L.
Enderezo: Quenxe, s/n.
Concello: Corcubión.