Visto o expediente para outorgamento de autorización administrativa e aprobación do proxecto de execución das instalacións eléctricas que a continuación se describen:
Solicitante: Unión Fenosa Distribución, S.A.
Domicilio social: travesía de Vigo, 204, 36207 Vigo.
Denominación: LMTS novas saídas nova subestación Cangas II.
Situación: Cangas.
Características técnicas: liñas de media tensión subterráneas que a continuación se describen, de saída da nova subestación Cangas, a 20 kV con condutor tipo RHZ, todas con orixe no punto de acceso proxectado (nó 0) e coas lonxitudes e finais que se detallan: LMTS Cangas-G.E. Bueu: 28 metros, final nó 1. LMTS CAG 806C: 900 metros, final CT San Cosme (nó 16). LMTS CAG 802: 3.030 metros, final nó 13. LMTS CAG 806: 1.803 metros, final nó 9. LMTS CAG 804: 1.803 metros, final nó 9. LMTS CAG 803: 1.808 metros, final CT San Pedro II. LMTS CAG 804C, CAG 805, CAG 805C e CAG 807C, as catro de 1.814 metros y final no nó 10. A instalación está situada na zona de Coiro, Cangas.
Cumpridos os trámites ordenados na Lei 54/1997, do 27 de novembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve
Autorizar e aprobar o proxecto de execución das ditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan no expediente.
Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
O prazo de posta en marcha da instalación, de acordo co artigo 131 do Real decreto 1955/2000, será de 12 meses a partir da recepción da presente resolución. Para os efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.
Contra a presente resolución poderá interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén poderá interpoñer calquera outro recurso que considere pertinente ao seu dereito.
Pontevedra, 7 de novembro de 2012
Ignacio Rial Santomé
Xefe territorial de Pontevedra