Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:
Solicitante: Pizarras Vilarbacú, S.L.
Domicilio social: r/ Estrada de Veigamuíños, nº 156, 32200 O Barco de Valdeorras.
Denominación: proxecto para documentar a liña de MT 20 kV para a súa cesión a Fenosa e proxecto de liña de MT 20 kV e CT de 160 kVA para a alimentación a explotación de lousa en Pacios da Serra.
Situación: concello de Quiroga.
Características técnicas:
– LMTA existente, con orixe nun pórtico existente propiedade de Fenosa, no cal se produce a derivación á localidade de Pacios da Serra, e final nun apoio proxectado tipo HVH-2500/14, cunha lonxitude de 1.187 metros en condutor tipo LA-30 tensado sobre apoios metálicos e de formigón.
– LMTA proxectada, con orixe no apoio proxectado HVH-2500/14 e final no CTI Pizarras Vilarbacú, cunha lonxitude de 666 metros en condutor tipo LA-56 tensado sobre apoios de formigón.
– CTI Pizarras Vilarbacú, instalado sobre apoio de formigón cunha potencia de 160 kVA e unha relación de transformación de 20.000/400-230V.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 19 de outubro de 2012
José Manuel Vázquez Leirado
Xefe territorial de Lugo