No procedemento da referencia foi ditada sentenza do teor literal seguinte:
«Resolvo que, estimando integramente a demanda presentada polo procurador Sr. Núñez Blanco en nome e representación de María Campelo Gómez, debo declarar e declaro:
– A paternidade non matrimonial de Antonio Bouzas Pérez respecto de María Campelo Gómez ou, o que é o mesmo, que Antonio Bouzas Pérez é pai non matrimonial de María Campelo Gómez.
– Que María Campelo Gómez non é filla non matrimonial de Antonio Campelo Souto.
E acordo a oportuna rectificación no rexistro civil correspondente para adecuar o seu contido (Rexistro Civil de Ordes, folio 392, tomo 91-A) ao declarado na presente resolución, unha vez que esta adquira firmeza, inscribindo a María Campelo Gómez como María Bouzas Gómez.
Non se fai expresa imposición de custas procesuais.
Firme esta resolución, expídase testemuño desta ao rexistro civil correspondente para a súa anotación, inscrición da filiación paterna declarada nos termos indicados, e cancélese calquera mención que a contradixer.
A presente resolución non é firme, e contra ela poderá interporse, por escrito, ante este xulgado, dentro dos vinte días seguintes á súa notificación, recurso de apelación para ante a Audiencia Provincial da Coruña.
Así o pronuncio, mando e asino por esta miña sentenza».
E como consecuencia do ignorado paradoiro dos herdeiros descoñecidos e incertos de Antonio Bouzas Pérez, expídese este edicto para que sirva de cédula de notificación.
Ordes, 26 de setembro de 2012
O/A secretario/a xudicial