Celia Bardelas Mosquera solicitou desta alcaldía licenza municipal para a legalización dun café-bar sito no baixo do nº 39 da rúa Conde Vallellano da localidade de Dacón neste termo municipal. En cumprimento do disposto no artigo 8.1 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte (20) días hábiles, co fin de que durante o mesmo –que comezará a contarse desde o día seguinte ao da inserción do presente edicto no Boletín Oficial da provincia e no Diario Oficial de Galicia– poidan examinar o expediente, na Secretaría deste concello, as persoas que dalgún xeito se consideren afectadas polas actividades que se pretende instalar e formular por escrito as reclamacións ou observacións que xulguen oportunas.

Maside, 24 de outubro de 2012

Celso Fernández López
Alcalde