Con data do 26 de setembro de 2012, o Pleno do Concello de Maside acordou por unanimidade a aprobación inicial da modificación puntual das normas subsidiarias de planeamento municipal na localidade do Mato, expediente que se atopa nas dependencias municipais. Este expediente sométese a información pública polo prazo de dous meses contados desde a publicación deste anuncio no Diario Oficial de Galicia, segundo o artigo 85.2 da Lei 9/2002, do 30 de novembro, de protección urbanística e protección do medio rural de Galicia, modificada pola Lei 15/2004, do 29 de decembro. O ámbito obxecto desta modificación está situado na parroquia de Rañestres.

Maside, 25 de outubro de 2012

Celso Fernández López
Alcalde