Unha vez finalizada a época de perigo alto de incendios e o período en que o persoal laboral debe desfrutar preferentemente as súas vacacións anuais.

Esta consellería

DISPÓN:

Primeiro. A apertura do prazo de toma de posesión dos postos adxudicados pola Orde do 14 de maio de 2012 reservados ás categorías 10B, 10C, 14 e 14 A, e pola Orde do 12 de xullo de 2012.

O prazo de toma de posesión comezará a contarse a partir do día seguinte ao do cesamento e será de tres días hábiles se o posto de traballo radica na mesma localidade de residencia habitual do concursante ou dun mes se radica en localidade distinta e supón un cambio de residencia debidamente xustificado.

O cesamento deberá efectualo a consellería a que figure adscrito o traballador dentro dos tres días hábiles seguintes ao da publicación desta orde no Diario Oficial de Galicia.

Se a adxudicación comporta o reingreso ao servizo activo, o prazo de toma de posesión será dun mes que deberá computarse desde o día seguinte ao da publicación desta orde no Diario Oficial de Galicia.

Segundo. Contra esta orde pódese interpoñer reclamación administrativa previa ante a conselleira de Facenda, no prazo dun mes contado a partir do día seguinte ao da publicación no Diario Oficial de Galicia, en aplicación dos artigos 120 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común, e demais disposicións concordantes.

Santiago de Compostela, 7 de novembro de 2012

Elena Muñoz Fonteriz
Conselleira de Facenda