Dolores Romero Gómez solicitou desta Alcaldía licenza municipal para declaración de incursión na situación legal de fóra de ordenación total ao abeiro da disposición transitoria terceira da Lei 2/2010, de medidas urxentes de modificación da Lei 9/2002, de ordenación urbanística e protección do medio rural de Galicia, para tres naves destinadas a almacén de materiais da construción, en Rial. Cumprindo o disposto no artigo 8.3 do Decreto 133/2008, do 12 de xuño, no cal se regula a avaliación de incidencia ambiental, sométese a información pública polo período de 20 días hábiles, co fin de que durante este prazo –que comezará a contarse desde o día seguinte ao da inserción do presente edicto no Boletín Oficial da provincia e no DOG– poidan examinar o expediente na Secretaría deste Concello, as persoas que dalgún xeito se consideren afectadas polas actividades que se pretenden instalar e formular por escrito as reclamacións ou observacións que se consideren oportunas.

Val do Dubra, 9 de outubro de 2012

Ramón Camilo Varela Mariño
Alcalde