Con data do 31 de agosto de 2012, Benjamín Pallares Domínguez solicitou licenza para a instalación da actividade de explotación extensiva de gando caprino, que se situará no lugar de Cardeo, polígono 4, parcelas 1058, 1063, 1064, 1065 e 1070.
O Concello está a tramitar o oportuno expediente de avaliación de incidencia ambiental.
En cumprimento da lexislación vixente sobre avaliación de incidencia ambiental, procédese a abrir un período de información pública polo prazo de 20 días mediante a inserción deste anuncio no Diario Oficial de Galicia, no Boletín Oficial da provincia, exposición no taboleiro de anuncios do Concello e notificación persoal da apertura do devandito trámite aos veciños e titulares de dereitos inmediatos ao lugar da localización proposta, para que os posibles afectados poidan alegar o que consideren oportuno.
O prazo para a presentación de alegacións comezará a contarse a partir do día seguinte hábil ao da última publicación deste anuncio no Boletín Oficial da provincia ou no Diario Oficial de Galicia.
Se o último día do prazo para a presentación de alegacións for inhábil ou sábado, o prazo rematará o primeiro día hábil seguinte.
As alegacións ou observacións presentaranse nas oficinas municipais das 9.00 ás 14.00 horas.
Así mesmo, o expediente obxecto desta información pódese consultar nas oficinas municipais en días hábiles, agás sábados, no horario sinalado.
Verea, 3 de outubro de 2012
Juan A. Martínez González
Alcalde