A titularidade do centro autorizado de ensinanzas artísticas profesionais de artes plásticas e deseño Marcote, do concello de Vigo, solicita a autorización para impartir os ciclos formativos de artes plásticas e deseño de grao superior de Gráfica Publicitaria e de Fotografía Artística, da familia profesional de Deseño Gráfico.
Logo da tramitación do expediente, de acordo co establecido no Decreto 253/1995, do 29 de setembro, de autorización de centros docentes privados para impartir ensinanzas artísticas, e coa Orde do 5 de decembro de 1995 que o desenvolve, por proposta da Dirección Xeral de Centros e Recursos Humanos,
DISPOÑO:
Primeiro.
Autorizar a apertura e funcionamento do centro autorizado de ensinanzas artísticas profesionais de artes plásticas e deseño Marcote que a seguir se detalla:
Denominación xenérica: centro autorizado de ensinanzas artísticas profesionais de artes plásticas e deseño.
Denominación específica: Marcote.
Código: 36024823.
Domicilio: avda. da Ponte, 80.
Localidade: Vigo.
Concello: Vigo.
Provincia: Pontevedra.
Titular: Colegio Marcote, S.L.
Ensinanzas que se autorizan:
Familia profesional: Deseño Gráfico.
– 1 ciclo formativo de grao superior de artes plásticas e deseño de Fotografía Artística.
– 1 ciclo formativo de grao superior de artes plásticas e deseño de Gráfica Publicitaria.
Segundo.
Para a posta en funcionamento das ensinanzas que se autorizan, a Xefatura Territorial da Consellería de Educación e Ordenación Universitaria de Pontevedra, logo do informe do Servizo Territorial de Inspección Educativa, aprobará expresamente a relación de persoal que impartirá docencia no dito centro, así como o equipamento axeitado.
Terceiro.
O centro queda obrigado ao cumprimento da normativa vixente e a solicitar a oportuna revisión cando teña que modificarse calquera dos datos que sinala a presente orde.
Cuarto.
Esta orde dará lugar á correspondente inscrición no Rexistro de Centros da Comunidade Autónoma de Galicia.
Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben, directamente, o recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 19 de outubro de 2012
Jesús Vázquez Abad
Conselleiro de Cultura, Educación e Ordenación Universitaria