O artigo 50 da Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia, dispón que son prezos privados as contraprestacións que obteñan os suxeitos pola prestación de servizos ou a realización de actividades efectuadas en réxime de dereito privado cando, prestando tamén tales servizos ou actividades o sector privado, sexan de solicitude voluntaria por parte dos administrados. Así mesmo, o artigo 51 da dita lei establece que os prezos privados serán fixados polas consellerías correspondentes, atendendo ás condicións e circunstancias do mercado en que operen, e publicaranse no Diario Oficial de Galicia.
A Consellería do Medio Rural e do Mar está a desenvolver distintos programas dirixidos á salvagarda dos recursos zooxenéticos da gandaría tradicional.
Como resultado deste programa de conservación xorden, a criterio facultativo dos servizos técnicos responsables, bens excedentes dirixidos á súa venda ao dispor de todos os gandeiros interesados. Esta orde fixa a contraprestación económica destes excedentes.
O aumento das actividades levadas a cabo polo Centro de Recursos Zooxenéticos de Galicia, coa presenza de novas razas e especies nas súas dependencias desde a publicación da Orde do 23 de maio de 2007, fai precisa a publicación dunha nova norma que fixe os prezos privados dos bens excedentes dos programas de conservación.
En consecuencia, logo do informe favorable da Consellería Facenda e de acordo co previsto no artigo 30.1.3 do Estatuto de autonomía de Galicia e no uso das facultades que me confiren os artigos 78 e 79 do Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia, e no uso das competencias que me confire a Lei 1/1983, do 22 de febreiro, reguladora da Xunta e da súa Presidencia, modificada pola Lei 11/1998 e pola Lei 2/2007,
DISPOÑO:
Artigo único
1. Os prezos privados exixibles polos servizos prestados polo Centro de Recursos Zooxenéticos de Galicia, referentes ás doses seminais de gando bovino e de exemplares bovinos, aviarios, ovinos e porcinos de razas autóctonas en perigo de extinción, son os que figuran no anexo desta orde.
2. Os referidos prezos entenderanse co correspondente IVE.
Disposición derrogatoria
Queda derrogada a Orde do 23 de maio de 2007 pola que se fixan os prezos privados das doses seminais e de exemplares bovinos, aviarios, ovinos e porcinos producidos no Centro de Recursos Zooxenéticos de Galicia.
Disposición derradeira
A presente orde entrará en vigor o día seguinte ao da súa publicación no Diario Oficial de Galicia.
Santiago de Compostela, 19 de outubro de 2012
Rosa María Quintana Carballo
Conselleira do Medio Rural e do Mar
ANEXO
Prezos privados de doses seminais e exemplares producidos no Centro de Recursos Zooxenéticos de Galicia (Coles-Ourense)
1. Doses seminais:
-Razas bovinas cachena, caldelá, frieiresa, limiá e vianesa: 0,65 €/dose.
2. Exemplares bovinos:
• Machos das razas cachena, caldelá, frieiresa, limiá e vianesa de
– Ata 8 meses de idade: 220 €/exemplar.
– Ata 10 meses de idade: 242 €/exemplar.
– Ata 12 meses de idade: 264 €/exemplar.
– Ata 14 meses de idade: 286 €/exemplar.
– Ata 16 meses de idade: 308 €/exemplar.
– Ata 18 meses de idade: 330 €/exemplar.
– Ata 20 meses de idade: 352 €/exemplar.
– Ata 22 meses de idade: 374 €/exemplar.
– Ata 24 meses de idade: 396 €/exemplar.
– Maiores de 24 meses de idade: 418 €/exemplar.
• Femias das razas cachena, caldelá, frieiresa, limiá e vianesa de
– Ata 8 meses de idade: 200 €/exemplar.
– Ata 10 meses de idade: 220 €/exemplar.
– Ata 12 meses de idade: 240 €/exemplar.
– Ata 14 meses de idade: 260 €/exemplar.
– Ata 16 meses de idade: 280 €/exemplar.
– Ata 18 meses de idade: 300 €/exemplar.
– Ata 20 meses de idade: 320 €/exemplar.
– Ata 22 meses de idade: 340 €/exemplar.
– Ata 24 meses de idade: 360 €/exemplar.
– Maiores de 24 meses de idade: 380 €/exemplar.
3. Exemplares da raza Galiña de Mos:
a) Inscritos no rexistro de nacementos,
– Polos de 1 día: 0,40 €/exemplar.
– Exemplares de ata 5 meses de idade: 1,50 €/exemplar.
b) Inscritos no rexistro de reprodutores,
– Galos e galiñas de máis de 5 meses de idade: 5 €/exemplar.
4. Exemplares da raza Ovella Galega:
a) Exemplares inscritos no libro xenealóxico:
– Menores de 6 meses de idade : 35 €/exemplar.
– Maiores de 6 meses de idade: 40 €/exemplar.
b) Exemplares descualificados do libro xenealóxico:
– Menores de 6 meses de idade : 25 €/exemplar.
– Maiores de 6 meses de idade: 30 €/exemplar.
5. Exemplares da raza Porco Celta:
a) Exemplares inscritos no libro xenealóxico:
– Entre 2 e 3 meses de idade: 45 €/exemplar.
– Entre 3 e 6 meses de idade: 75 €/exemplar.
– Maiores de 6 meses de idade: 150 €/exemplar.
b) Exemplares descualificados do libro xenealóxico:
– Entre 2 e 3 meses de idade: 35 €/exemplar.
– Entre 3 e 6 meses de idade: 65 €/exemplar.
– Maiores de 6 meses de idade: 140 €/ exemplar.