A Dirección Xeral de Infraestruturas, actuando por delegación do conselleiro de Medio Ambiente Territorio e Infraestruturas (Orde do 11 de maio de 2009; DOG nº 99, do 22 de maio), ditou resolución do recurso de alzada interposto pola persoa que se indica no anexo, contra a resolución ditada no seu día polo Servizo Provincial de Estradas da Consellería de Medio Ambiente, Territorio e Infraestruturas denegatoria da solicitude de reversión, pronunciándose a resolución do recurso no senso desestimatorio.
Intentada a notificación persoal conforme establece o artigo 59 da Lei 30/1992, do 26 de novembro, de réxime xurídico das administracións públicas e de procedemento administrativo común, non foi posible a súa práctica. Por medio do presente anuncio, e segundo dispoñen os artigos 59.5 e 61 da devandita norma legal, notifícaselle ao interesado o contido da referida resolución.
O texto íntegro da resolución referenciada nesta cédula está á disposición do interesado nas dependencias do Servizo de Xestión Xurídico-Administrativa, da Axencia Galega de Infraestruturas, sito nos edificios administrativos de San Caetano, en Santiago de Compostela, ou ben no Servizo de Estradas da Delegación desta Axencia na Coruña, praza Luís Seoane, s/n.
Así mesmo, ponse no seu coñecemento que contra esta resolución, que é definitiva na vía administrativa, pode interpoñer recurso contencioso-administrativo perante o Tribunal Superior de Xustiza de Galicia, de conformidade co disposto nos artigos 10 e 14 da Lei 29/1998, do 13 de xullo, reguladora da xurisdición contencioso-administrativa, no prazo de dous meses contados desde o día seguinte ao da súa notificación, segundo o disposto no artigo 46.1 da citada lei.
E para que conste e lle sirva de notificación ao interesado, asino e selo esta cédula.
Santiago de Compostela, 10 de outubro de 2012.
Ethel María Vázquez Mourelle
Directora da Axencia Galega de Infraestruturas
ANEXO
Recorrente: José María Trillo Ogando.
Materia: reversión-estrada C-552, treito Vimianzo-Berdeogas.
Predio: 133, termo municipal de Vimianzo.