De conformidade co disposto no artigo 59.4 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, notifícase mediante a publicación no Diario Oficial de Galicia a Antonio Jiménez Pérez, con DNI 35325038, en tanto que propietario do vehículo Mercedes Vito, con matrícula 5089-GNM, a reclamación dos custos ocasionados pola reposición de balaustrada e banco de madeira do paseo marítimo de Vilaxoán, como consecuencia de accidente acaecido o día 14 de marzo de 2012 e documentado en atestado da Policía Local, por non ser posible a notificación a través do servizo de Correos no último domicilio coñecido sito na avda. Cambados 157, 5A, 36611 Vilaxóan-Vilagarcía de Arousa (Pontevedra).
O importe dos custos derivados da reposición de balaustrada e banco de madeira do paseo marítimo de Vilaxóan, executado de maneira subsidiaria por razóns de urxencia ascende á cantidade de mil seiscentos vinte e oito euros con cinco céntimos de euro (1.628,05 euros), IVE incluído.
A reclamación efectúase ao abeiro do artigo 66 do Regulamento de servizo e policía portuarios do 12 de xuño de 1976, e dos artigos 96, 97 e 98 da Lei 30/1992, do 26 de novembro, de réxime xurídico das administracións públicas e do procedemento administrativo común.
Na súa virtude requírese a Antonio Jiménez Pérez, con DNI 35325038, para que proceda nos prazos previstos no artigo 62 da Lei 58/2003, do 17 de decembro, xeral tributaria, a aboar a cantidade de mil seiscentos vinte e oito euros con cinco céntimos de euro (1.628,05 euros), IVE incluído.
Para o pagamento da dita cantidade deberá empregarse o modelo de impreso que se facilitará en servizos centrais de Portos de Galicia sitos en Área Central, praza de Europa, portal 5-A, de Santiago de Compostela, número de teléfono 902 40 08 70.
De non aboarse a dita cantidade no prazo sinalado, esta será exixida pola la vía de constrinximento.
O expediente completo encóntrase nas dependencias dos servizos centrais de Portos de Galicia onde poderá ser examinado en horario das 9.00 ás14.00 horas.
A reclamación que efectúa a Dirección do ente público e que ten eficacia executiva non esgota a vía administrativa polo que contra ela cabe interpoñer recurso de alzada ante o presidente de Portos de Galicia no prazo dun mes contado desde o día seguinte ao da publicación.
E para que conste e lle sirva de notificación, e en cumprimento do disposto no artigo 59.4 da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo a presente cédula.
Santiago de Compostela, 10 de outubro de 2012
José Ignacio Villar García
Director de Portos de Galicia
