En cumprimento do establecido no artigo 86.1.a) da Lei 9/2002, do 30 de decembro, de ordenación urbanística e protección do medio rural de Galicia, faise público que por Resolución do alcalde número 622/2012, do 18 de setembro, aprobouse inicialmente o Plan parcial do solo urbanizable industrial de Estramundi de Abaixo.

Durante o prazo dun (1) mes, contado desde a inserción do presente anuncio no Diario Oficial de Galicia, todas as persoas interesadas poderán consultar o expediente na secretaría do Concello de Padrón, de luns a venres en horario de 9.00 a 14.00 horas, e os sábados de 9.00 a 13.00 horas, e presentar as alegacións ou suxestións que consideren oportunas.

Padrón, 19 de setembro de 2012

Antonio Fernández Angueira
Alcalde