En sesión do día 13 de setembro de 2012, o Pleno da Corporación aprobou inicialmente a modificación puntual do Plan especial de protección do conxunto histórico-artístico (PEPCHA) da vila de Muros, en relación co predio situado na rúa Venus, número 4. O obxecto da modificación puntual é acadar unha maior integración do inmoble dentro co conxunto histórico-artístico e unha mellora do espazo urbano coa eliminación das medianeiras existentes nos seus lindes. Así mesmo, proponse a eliminación do actual beiril existente na edificación con fronte á rúa Venus. Xustifícase na documentación presentada o mantemento do aproveitamento urbanístico actual, co cal a modificación puntual non supón incremento do aproveitamento urbanístico da parcela. Sométese o expediente a exposición pública durante o prazo dun mes.

Muros, 17 de setembro de 2012

Caridad González Cerviño
Alcaldesa