De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, logo de ser intentada sen éxito a notificación persoal a través do servizo de Correos, notifícanselle á interesada que se sinala no anexo deste anuncio uns requirimentos de documentación que debe presentar xunto coa solicitude no expediente IN 219A/2012-48, no marco da Orde do 21 de maio de 2012 pola que se establecen as bases reguladoras para a concesión, en réxime de concorrencia competitiva, das subvencións ás asociacións de comerciantes sen fins de lucro, para a dinamización dos centros comerciais abertos e prazas de abastos de Galicia, en desenvolvemento do plan Ágora, Agora Re-comercia 2010-2013 e se procede a súa convocatoria (DOG núm. 104, do 1 de xuño), modificada pola Orde do 21 de xuño de 2012, de modificación do artigo 2.2 da Orde do 21 de maio de 2012 (DOG núm. 124, do 29 de xuño).

A documentación requirida é a que a seguir se relaciona:

– Certificado expedido pola Axencia Estatal de Administración Tributaria acreditativa de estar ao día no cumprimento das súas obrigas tributarias co Estado, e de non ter pendente de pagamento ningunha débeda, por ningún concepto coa dita axencia.

– Orzamento detallado de gastos previstos para a realización de cada unha das actividades para as que se solicita subvención, e factura ou, no seu defecto, factura pro forma da actividade ou adquisición que se subvenciona por quen vaia subministrar o ben ou prestar o servizo, así como plan de financiamento do proxecto.

Cando o importe do gasto subvencionable supere as contías establecidas na Lei 30/2007, do 30 de outubro, de contratos do sector público para o contrato menor (50.000 euros no suposto de execución de obra ou 18.000 euros nos demais supostos) o beneficiario deberá solicitar, como mínimo, tres ofertas de diferentes provedores, con carácter previo á contratación do compromiso para a obra, á prestación do servizo ou á entrega do ben, agás que polas súas especiais características non exista no mercado suficiente número de entidades que as realicen, presten ou subministren ou agás que o gasto se realizase con anterioridade á solicitude da subvención.

A elección entre as ofertas presentadas, que deberá achegarse na xustificación, realizarase de conformidade con criterios de eficiencia e economía, e deberá xustificarse expresamente nunha memoria a elección cando non recaia na proposta económica máis vantaxosa. Considerando o anterior, deberá achegarse a documentación disposta nos parágrafos seguintes:

– Copia ordenada de todos e cada un dos orzamentos e ofertas detalladas dos investimentos sobre os que se solicita a axuda, obtidos dos provedores seleccionados pola entidade solicitante, con independencia da contía dos investimentos.

– Copia ordenada de todos e cada un dos orzamentos e ofertas que non foron seleccionadas pola entidade solicitante para a realización do proxecto.

– Memoria económica xustificativa da elección dos provedores, nos seguintes casos:

• Cando a elección do provedor non recaia na oferta económica máis vantaxosa, das tres que como mínimo obtivo a entidade solicitante.

• Cando polas especiais características dos gastos subvencionables non exista no mercado suficiente número de entidades que o subministren ou presten.

Non existe a obriga de presentar esta memoria xustificativa cando a elección do provedor recaia na oferta económica máis vantaxosa das tres que, como mínimo, obtivo a entidade solicitante.

As ofertas presentadas e os provedores elixidos supoñen unha documentación vinculante para o desenvolvemento do proxecto no caso de ser entidade beneficiaria da axuda. Non se considerarán subvencionables, parcial ou totalmente, aqueles investimentos dos que non se presente documentación económica completa conforme o disposto.

– Certificado expedido pola persoa que exerza a secretaría ou representación da entidade que acredite o número de membros asociados dados de alta e número de comercios polo miúdo, dos que se achegará relación detallada e actualizada, en soporte informático, con inclusión do nome da persoa titular e do establecemento, así como as epígrafes do IAE en que figura dado de alta, enderezo postal e telefónico, concretando, se é o caso, as empresas ou entidades participantes no proxecto e actuacións que se van desenvolver.

– Contrato do xerente da asociación.

– Informe da mesa local de comercio correspondente, sobre o proxecto de dinamización comercial obxecto de solicitude de concesión de subvención, de conformidade co disposto no artigo 3.b) do Decreto 183/2011, do 15 de setembro, polo que se regulan as mesas locais de comercio.

A documentación sinalada deberá ser presentada en orixinal ou copia compulsada no prazo de 10 días hábiles contados desde o seguinte ao da publicación deste anuncio, de acordo co disposto no artigo 71 da Lei 30/1992, do 26 de novembro, pola que se regula o réxime xurídico das administracións públicas e do procedemento administrativo común e, de non facelo, entenderase que desiste da súa petición, logo da correspondente resolución que será ditada nos termos previstos no artigo 42.

O presente anuncio remitirase, así mesmo, ao concello correspondente ao último enderezo coñecido do interesado en aplicación do artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, co obxecto que proceda á súa publicación por medio dun anuncio no seu taboleiro de edictos.

Santiago de Compostela, 5 de outubro de 2012

Borja Verea Fraiz
Secretario xeral técnico da Consellería de Economía e Industria

ANEXO

Expediente: IN219A/2012-48.

Interesada: Asociación de Comerciantes y Profesionales Zona Príncipe.

Acto de notificación: requirimento de documentación.

Último enderezo coñecido: rúa Príncipe, 51, 1º, of. 10, 36202 Vigo (Pontevedra).