Con data do 14 de novembro de 2011, o alcalde remitiu ao órgano ambiental o anteproxecto de modificacion puntual das normas subsidiarias do Concello de Outeiro de Rei para a delimitación do núcleo rural de Francos-Penelas-Barciela e modificación de ordenanzas, disposicións de carácter xeral e réxime de aplicación a edificacións fóra de ordenación.
Ante a inminencia da aprobación inicial da modificación proxectada, e ao abeiro do artigo 77 da Lei 9/2002, do 30 de decembro, de ordenación urbanística e protección do medio rural de Galicia, considérase conveniente suspender o outorgamento de licenzas no ámbito do suelo urbanizable do núcleo da parroquia de Robra e, con iso, evitar actuacións que dificulten no futuro a efectiva implantación da ordenación proxectada.
Á vista do anterior, o Pleno da Corporación, en sesión plenaria de data do 7 de setembro de 2012, acordou suspender o outorgamento de licenzas urbanísticas de nova edificación, parcelación e legalización no ámbito territorial comprendido dentro da delimitación do actual solo urbanizable existente na parroquia de Robra.
O citado acordo pon fin á vía administrativa, e poderá ser impugnado ante a Sala do Contencioso-Administrativo do Tribunal Superior de Xustiza no prazo de dous meses desde a práctica da presente publicación.
Outeiro de Rei, 11 de setembro de 2012
José Pardo Lombao
Alcalde